گه‌ڕان

Shadow Shadow
سیاسه‌تی

لێكۆڵينەوەکان لەبارەى سەيرترين ناوچەى سەر هەسارەى زەوى دەستى پێکرد

2020.07.23 - 14:23
App store icon Play store icon Play store icon
لێكۆڵينەوەکان لەبارەى سەيرترين ناوچەى سەر هەسارەى زەوى دەستى پێکرد

ناس کورد- 

تيمێكى زانايان كار لەسەر سەيرترين دياردەى سەر هەسارەى زەوى دەكەن كە پێى دەوترێت "كونە شينەكان" و دەڵێن"سەيرترين شوێنە لەسەر زەويدا".

 

کەناڵی ناس کورد لە تێلیگرام جۆین بکە   

ڕۆژنامەى دەيلى مەيڵى بەريتانى بڵاويكردوەتەوە، تيمێكى زانايان بۆ يەكەمجار هەوڵى ئەوە دەدەن بچنە ناو يەكێك لە ناوچە سەيرەكانى سەر هەسارەى زەوى كە ئەويش "كونە شينەكان"ە كە زانايان ناويان ناوە "مۆزى سەوز" و دەكەوێتە كەنارەكانى ولايەتى فلۆريدا لە ئەمريكا.

 

ئەوەش هاتوە، زانايان پێيان وايە قوڵى ئەو كونانە كە لەژێر زەريادان نزيكەى 129.54 مەتر دەبن، تيمێكى زانستى سەربە ئيدارەى نيشتمانى بۆ زەرياكان و بەرگەهەواى زەوى "NOAA" لە ئەمريكا كار لەسەر دۆزينەوەى زانيارى لەسەر كونەكان دەكەن كە وەك سەرى ئاوەڕۆيەك وان لەژێر ئاودا و ئەوەش يەكەمجارە لە مێژوودا ئەو هەوڵە بدرێت.

 

دەيلى مەيڵ باسى لەوەشكردوە، تائێستاش زانيارى لەسەر ئەو كونە شينانە زۆر شاراوەیە لەلاى زانايان، شێوەيەكى نمونەيى تايبەت و هەيكەلێكى نايابيان هەيە كە بەهۆيەوە بوونەتە سەيرترين دياردە.

 

ئيدارەى نيشتمانى بۆ زەرياكان و بەرگەهەواى زەوى ئەمريكى لەبەياننامەيەكدا بڵاويكردوەتەوە، لەوانەيە قوڵیاى ئەو كونە شينانە هەزاران پێ بێت، دۆزينەوەى كونە شينەكان بەهۆى ڕاپۆرت و زانيارى زانايان و لێكۆڵەران نەبووە بەڵكو بەهۆى ڕاوچيەكان و ژێردەريا گەڕەكانەوە بووە.

 

ئەو كونەى زانايان كارى لەسەر دەكەن دەكەوێتە قوڵايى 47 مەترەوە لەسەر ڕووى دەرياوە، كە لە كەنارەكانى فلۆريدايە و درێژيەكەى 129 مەترە.

 

ئەو ديارەيە زانايانى تووشى سەرسوڕمان كردوە و تا ئەمڕۆ هيچ مرۆڤێك نەچووەتە ناويان و تا ئێستا پيس نەبوون، هەندێك لە كونەكان ئەو گياندارانەيان تێدايە كە لەناوچون و نەماون وەك ماسى مشارى بچوك و هەندێك نەهەنگ كە هەڕەشەى لەناوچونيان لەسەرە.

 

زانايان دەيانەوێت زانيارى زياتريان لەسەر چۆنێتى دروستبونى ئەو كونانە دەستكەوێت هەروەها بۆيان دەركەوێت پەيوەنديان بە شەپۆلەكانى ژێر دەرياوە چييە؟.