گه‌ڕان

Shadow Shadow
سیاسه‌تی

ناکرێت تا سەر دەرگاى قوتابخانەکان دابخرێن

بۆچوونى ترەمپ لەبارەى گەڕانەوەى کوڕ و نەوەکانى بۆ قوتابخانە

2020.07.23 - 09:32
App store icon Play store icon Play store icon
بۆچوونى ترەمپ لەبارەى گەڕانەوەى کوڕ و نەوەکانى بۆ قوتابخانە

ناس کورد-

دۆناڵد تڕەمپ، سەرۆكی ئەمریكا ڕایگەیاند، ئاسودەیە كە كوڕەكەی باروون و نەوەكانی بۆ قوتابخانە گەڕاونەتەوە و جەختی لەپێویستی كردنەوەی دەرگای قوتابخانەكانیش كردەوە.

 

کەناڵی ناس کورد لە تێلیگرام جۆین بکە   

لەمیانەى ئەنجامدانى گۆنگرەیەكی ڕۆژنامەوانیدا، دۆناڵد ترەمپ سەرۆکى ئەمریکا ئاماژەی بۆ ئەوە كرد، گەرچی زۆرێك ترسیان لە کردنەوەى دەرگاى قوتابخانەکان هەیە بەوەى کە ڕەنگە ببێتە هۆى بڵاوبوونەوەى زیاترى ڤایرۆسى کۆرۆنا، بەڵام ناشکرێت تا سەر دەرگاى قوتابخانەکان دابخرێن.

 

سەرۆکى ئەمریکا داواشی لەگەنجان كرد، دووربكەونەوە لەیانەی خواردنەوە قەرەباڵغەكان و بۆ ڕێگریكردن لەتەشەنەسەندنی ڤایرۆسەكە هەوڵی دیكە بدەن.

 

دوای چەند هەفتەیەك لەپاشەكشەی ژمارەی گیانلەدەستدان بەهۆی ڤایرۆسەكەوە لەماوەی هەفتەی ڕابردوودا تا ڕۆژی19ى ئەم مانگە 5 هەزار و 200 حاڵەتی گیانلەدەستدان تۆمار كرا، کە بەراورد بە هەفتەی رابردوو بەرێژەی 5% ژمارەی گیانلەدەستدان زیادی كردوە.

 

سەرۆكی ئەمریكا ڕۆژی (سێشەممە)ش لەكۆشكی سپییەوە بەمیدیاكارانی ڕاگەیاند، بەداخەوە قەیرانەكە خراپتر دەبێت، لەبرى ئەوەى باشتربێت.

 

ئاماژەی بۆ ئەوەش كرد، حەزى بەوە نییە ئەو قسەیە بکات بەڵام ئەوە ڕاستیەکەیە.

 

تڕەمپ ئەوەشی ڕاگەیاند، هەندێ ناوچەى بەڕێوەبردنی دۆخەكە بەراورد بە هەندێ ناوچەی دیكە كەمتر باشبوون و ئامانجەكەش تەنها بەرێوەبردنی قەیرانەكە نیە بەڵكو قەڵاچۆكردنیەتی.

 

لەبارەی ڤاكسنیەكانیشەوە سەرۆكی ئەمریكا ئاماژەى بەوە کرد، ڤاكسینەكان دەكەونە بەردەست زیاتر لەوەی كە خەڵك باوەڕ دەكات و هیواشی خواست ڤایرۆسەكە لەناوبچێت.

 

تڕەمپ داواشی كرد هاووڵاتیانی ئەمریكا كەمامە ببەستن كاتێك لێكنزیك دەبنەوە خۆیشی دوو بۆ سێ ڕۆژ جارێك پشكینین ئەنجام دەدات.