گه‌ڕان

Shadow Shadow
سیاسه‌تی

وتەبێژ: تەنها 20 نەخۆش لە نەخۆشخانەى کۆرۆنا لە هەڵەبجە ماونەتەوە

2020.07.20 - 21:22
وتەبێژ: تەنها 20 نەخۆش لە نەخۆشخانەى کۆرۆنا لە هەڵەبجە ماونەتەوە

ناس کورد-

وتەبێژی بەڕێوەبەرایەتی تەندروستی هەڵەبجە ڕایگەیاند، تائێستا لە هەڵەبجە 364 هاوڵاتی توشی ڤایرۆسی کۆرۆنا بوون و لەو ژمارەیە 267 نەخۆشیان چاک بوونەتەوە و نەخۆشخانەکانیان بەجێهێشتووە.

 

شاناز نەقشبەندی، وتەبێژی بەڕێوەبەرایەتییەکە دەڵێت، تائێستا لە هەڵەبجە هەزار و 685 پشکنینی کۆرۆنا ئەنجام دراون، بەهۆیەوە 364 توشبوو دەستنیشان کراون.

 

دەشڵێت، تەنها 20 هاوڵاتی لە نەخۆشخانەی وەفای تایبەت بە کۆرۆنا ماونەتەوە و لە ژێر چاودێریدان.

 

ڕونیشیکردووەتەوە کە "دوو لەو هاوڵاتیانە باری تەندروستیان ناجێگیرە و هەشتی تریان لەژێر ئۆکسجیندان."
 


تائێستاش هەشت هاوڵاتیش بەهۆی ڤایرۆسەکەوە لە هەڵەبجە گیانیان لەدەستداوە.