گه‌ڕان

Shadow Shadow
سیاسه‌تی

چۆن بەرهەم ساڵح كۆشكی سەلامى لە سیاسەتى عێراقدا لە سێبەرەوە گۆڕى بە ڕوناکى؟ 

2020.07.20 - 15:09
App store icon Play store icon Play store icon
چۆن بەرهەم ساڵح كۆشكی سەلامى لە سیاسەتى عێراقدا لە سێبەرەوە گۆڕى بە ڕوناکى؟ 

ناس کورد-  

ئاژانسێکى هەواڵى عێراقى لە میانەى بڵاوکردنەوەى راپۆرتێکدا، تیشكی خستووەتە سەر ئەوەی بەرهەم ساڵح بەقۆناغێكی سەخت و دژواری سیاسی لەناو حزبەكەی و دواتر دامەزراندن و هەڵوەشاندنی حزبێكی نوێوە توانیویەتی بگاتە كۆشكی سەلام و پۆستەكەش لەتەشریفاتیەوە بۆ كاریگەر بگۆڕێت و لەو كاتەشدا كە هەوڵی بەدەستهێنانی پۆستەكەی دەدا مەسعود بارزانی بەتوندی نەیارێتی كرد و بۆ خستنیشی هاوپەیمانێتی لەگەڵ نەیارەكانیدا بەست، بەڵام دواجار بەرهەم ساڵح سەركەوت.

 

 

کەناڵی ناس کورد لە تێلیگرام جۆین بکە   

لە راپۆرتەکەى سۆمەرییە نیوزدا هاتووە، بەپێی ڕوداوەكانی قۆناغەكە، مەسعود بارزانی لەنەیارەوە دەبێتە هاوپەیمانیێكی گرنگی فەتح كەلەلایەن قاسم سولەیمانیەوە پلانێك دادەنرێت و دەبێتە عەڕابی دامەزراندنی هاوپەیمانێتیەك سەرجەم گروپەكانی حەشدی شەعبی لەخۆبگرێت و ناو دەنرێت هاوپەیمانی فەتح.

 

لەو كاتەشدا دەنگۆی ئەوەش هەبووە ئەمریكا دەیەوێت سەرۆكی نوێی عێراق بارزانی یاخود نزیك بێت لەبارزانیەوە بۆ ئەوەی دووبارە لەئامێزی تاران دەربكات بەڵام لایەنە سیاسیەكان و چەند فراكسیۆنێك ڕێگرییان لەوە كرد.

 

هاوپەیمانی فەتح فشاری خستە سەر پەرلەمانتار و هاوپەیمانەكانی بەڵام لەو كارەیدا شكستی هێنا و چەند پەرلەمانتارو گروپێكی كەمی ئەو هاوپەیمانێتیە نەبێت نەچوونە ژێر باری ویستەكەی عامری و چەند سەركردەیەكی دیكەی شیعەكانەوە، كە ئەوانەش فشارێكی زۆر توند و ترسناكیان دەكرد بەهۆی ئەوەی بەڵێنیان بەبارزانی دابوو فوئاد حوسێن براوە بێت نەك بەرهەم ساڵح.



ساڵح وتاری سەركەوتن دەخوێنێتەوە

هەمووان چاوەڕوانی ئەوەبوون كێ سەردەكەوێت، سەرۆكی لایەنە سیاسیەكان و پەرلەمانتاران تووشی سوپەرایزە سیاسیەكە دەبن و لەگەڕی یەكەمی یەكلاكردنەوەی دەنگەكاندا بەرهەم ساڵح 165 دەنگ بەدەستدەهێنیت و لەبەرامبەریشدا فوئاد حوسێن 80 دەنگ و پێش كۆتایهاتنی گەڕی دووەم حوسێن دەكشێتەوە و بەرهەم ساڵحیش 200 دەنگ بەدەستدەهێنێت و ئەوەش بارزانی توڕە دەكات و بەڵێنی تۆڵەكردنەوە لەهاوپەیمانەكانی فەتح و دەوڵەتی یاسا دەکات.

 

وتاری سەركەوتنی بەرهەم ساڵح ئاماژەیەكی ڕوون دەبێت بۆ ئەوەی ، سەرۆكی نوێ ڕووكەش و تەنها دەسەڵاتێكی تەشریفاتی نابێت.

 

كۆشكی سەلام پێشوازی لەسەرۆكە نوێیەكە دەكات

دوای ماوەیەكی كەم بەرهەم ساڵح دەستدەكات بە سەردانەكانی بۆ وڵاتانی دراوسێ و بەهەموو متمانەیەكەوە لەگەڵ سعودییەكاندا لەبارەی حەشدی شەعبیەوە قسە دەكات و بەدامەزراوەیەكی دەوڵەتی وەسفی دەكات، لەگەڵ ئێرانیەكانیشدا دەڵێت عێراق پێویستی بەسەرپەرشتیار نیە، لەئەبو زەبیش فەرشی سووری بۆ ڕادەخرێت و قۆناغی گەڕانەوەی هاوسەنگی بۆ عێراق دەستپێدەكات.

 

وردە وردە ناوی بەرهەم ساڵح دەكەوێتە سەر زاری عێراقیەكان و شاشە گەورەكان دوای ئەوەی ناوی سەرۆككۆمار خەریك بوو لەبیر دەچویەوە.

 

قۆناغی لێنەگەڕان

گەرچی سەرۆكی نوێ چەند چالاكییەكی دەستپێكردەوە، بەڵام چەند لایەنێكی سیاسی لەسەرووی هەموویانەوە فەتح و دەوڵەتی یاسا چپاندیانە گوێى سەرۆكوەزیرانی ئەوكات، عادل عەبدولمەهدی و پێیانووت " تۆ سەرۆك كۆمار ڕابگرە و لەدژی دەستپێبكە، بەڵام سەرۆككۆمار هەوڵیدا سەرجەم لایەنە سیاسیەكان كۆبكاتەوە و گوێیان لێبگریت گەرچی ئەوانەشی كە دژی كاریان دەكرد.

 

بەڵام نێوانی خۆی و عامری بەشێواوی مایەوە و خۆی مالیكی هەستیان بەوە دەكرد بەرهەم ساڵح چووەتە ناو دڵی شیعەكانەوە بەتایبەت دوای ئەوەی گرژی و ئاڵۆزی بەهۆی خۆپیشاندانەكانەوە ڕوویدا و بەرهەم ساڵحیش هەوڵیدەدا لەدیاریكردنی شوێنگرەوەى عەبدولمەهدیدا داواكاری شەقامی ناڕازی پشتگوێ نەخات.

 

دەستلەكاركێشانەوەی عەبدولمەهدی، پاراستی دەستور یاخود پاراستنی گیانی خەڵكی..؟

 

مانگی تشرینی یەكەمی ساڵی 2019 وەرچەرخانێكی گەورە لەگۆڕەپانی سیاسی عێراقیدا ڕوویدا و حكومەت دووچاری تەنگەژەیەكی زۆر بوویەوە وەكو نەبووی لێهاتبوو بەتایبەت دوای كاردانەوەكانی عەبدولمەهدی لەسەر ڕووداوەكان و فەتح و سائیرون نەیانتوانی دۆخەكە قۆرخ بكەن گەرچی سائیرون هەوڵیدەدا پشتیوانی خۆپیشاندەران بكات بەڵام پشتیوانی خۆپیشاندەرانی بەدەستنەهێنا و دروشمی خۆپیشاندەران وای كرد بەخێرایی سەرۆككۆمار دەربكەوێت و دوای دووركەوتنەوەی عەبدولمەهدیش بەردەوام چالاكان و خۆپیشاندەرانی دەبینی و داواكارییەكانیان پێدەگەیاند لەسەر خراپی باروگوزەرانیان و دۆخی وڵات، ئەویش لای خۆیەوە هەوڵی بەگەڕخستنی دەسەڵاتەكانی بۆ پاراستنی دەستور و گیانی خۆپیشاندەران دەدا.

 

جێگرەوەكانی عەبدولمەهدی و ڕەتكردنەوەی هەڕەمەكیانە

 

دوای دەستلەكاركێشانەوەی عەبدولمەهدی بۆ جێگرەوەی ناكۆكی كەوتە نێوان لایەنە سیاسیەكانەوە بەتایبەتی فەتح و سائیرون، ساڵح هەوڵی دەدا پەڕە نەسێنیت بۆ شەڕی ناوخۆی و ئاژاوەی دیكە، ڕاسپاردن بە محمد شیاع دەستی پێكرد و دواتر بەقوسەی سوهەیل و هاوپەیمانی بەنناش نوسراوێكیان كرد داوای ڕاسپاردنی ئەسعەد عێدانیان بۆ پۆستی سەرۆك وەزیران دەكرد، دواتر ساڵح هەڕەشەی دەستلەكاركێشانەوەی كرد گەر بۆ ئەو كاندیدە فشاری لەسەر بكرێت و ڕەتی كردەوە و چەند كاندیدێكی دیكە ڕەتكرانەوە و چانسیان نەبوو.

 

دوای كشانەوەی عەدنان زورفی بەرهەم ساڵح هەوڵیدا لایەنەكان بەمستەفا كازمی ڕازی بكات و لەوەشدا سەركەوتوو بوو.

 

بەوەش بەرهەم ساڵح توانی كۆشكی سەلام لەپەراوێزخراویەوە بباتەوە ناو یارییەكان و ڕۆڵەكەی لەتەشریفاتیەوە بگۆڕێت بەكاریگەر وئاوەدان.