گه‌ڕان

Shadow Shadow
سیاسه‌تی

ژوری ئۆپەراسیۆنی هەڵەبجە بڕیاری کردنەوەی دەرگای مزگەوتەکانیدا

2020.07.20 - 14:24
ژوری ئۆپەراسیۆنی هەڵەبجە بڕیاری کردنەوەی دەرگای مزگەوتەکانیدا

ناس کورد-

ژوری ئۆپەراسیۆنەکانی هەڵەبجە کۆبووەوە و بڕیاریدا بە کردنەوەی دەرگای مزگەوتەکان بەچەند مەرج و ڕێنماییەک.

 

ئەمڕۆ (دووشەممە، 20ی تەموزی 2020)، ژوری ئۆپەراسیۆنەکانی پارێزگای هەڵەبجە کۆبوەوە و راگەیەندراوێکی لەبارەی کردنەوەی مزگەوتەکانەوە بڵاوکردەوە کە تێیدا بە چەند مەرج و ڕێنماییەک بڕیاردراوە مزگەوتەکان بکرێنەوە.

 

مەرج و ڕێنماییەکان:

 

1- مزگەوتەکان تەنها بۆ کاتی ئەنجامدانی نوێژەکان و وتاری هەینی کراوە بن.

 

2- نوێژخوێنان پابەندی ڕێنماییە خۆپارێزییەکان بن.

 

3-ئەو مزگەوتانەی بەرهۆکارێک بێت توانای جێبەجێکردنی ڕێنماییەکانیان نییە، لەبەر سەلامەتی هاووڵاتیان بەداخراوی بمێننەوە.

 

4-مامۆستایانی ئایینی ڕینمایی بدەن بە بەساڵاچووان و منداڵان و ئەو کەسانەی نەخۆشی درێژخایەنیان هەیە، لەماڵ بمێننەوە و نەچن بۆ مزگەوت.

 

5- جگە لەشوێنی نوێژکردن سەرجەم شوێنەکانی دیکەی ناو مزگەوت بە داخراوی دەمێننەوە.

 

6- سەبارەت بە ئەنجامدانی نوێژی جەژن، پێش جەژن بریار لەوبارەیەوە دەدرێت.

 

7-داوا لە وتاربێژان و مامۆستایانی ئایینی دەکەین، ڕۆژانە و لەکاتی وتارەکانیان ڕینمایی هاووڵاتیان بکەن بۆ خۆپاراستن و جێبەجێکردنی ڕێنماییەکان وەک ئەرکێکی ئایینی و مرۆیی و نیشتیمانی.