گه‌ڕان

Shadow Shadow
سیاسه‌تی

22 کەس لەژێر چاودێری ورد دان

ئامارێکی دڵخۆشکەر لە سلێمانییەوە؛ تەنها 176 توشبووی کۆرۆنا لە نەخۆشخانەن

2020.07.19 - 18:33
App store icon Play store icon Play store icon
ئامارێکی دڵخۆشکەر لە سلێمانییەوە؛ تەنها 176 توشبووی کۆرۆنا لە نەخۆشخانەن

ناس کورد-

وتەبێژی تەندروستی سلێمانی دەڵێت، لە ئێستادا 176 تووشبووی کۆرۆنا لە نەخۆشخانەکانی تایبەت بە کۆرۆنان لە شاری سلێمانی و تەنها 22 توشبووش لەژووری چاودێری وورد دان، واتە تەنها %5ی توشبووان لە نەخۆشخانەن و کەمتر لە %1 لەژێر چاودێری ورد دان.

کەناڵی ناس کورد لە تێلیگرام جۆین بکە   

 

ئەمڕۆ یەکشەممە 19ی تەموزی 2020، د. یاد نەقشبەندی، وتەبێژی بەڕێوەبەرایەتیی گشتیی تەندروستیی سلێمانی لەهەژماری خۆی لە تۆڕی کۆمەڵایەتی فەیسبوک ڕایگەیاند: " لە ئێستادا 176 تووشبووی کۆرۆنا لە نەخۆشخانەکانی تایبەت بە کۆرۆنان لە شاری سلێمانی."

 

بەوپێیەی لەئێستادا 3482 توشبووی کۆرۆنا لە سلێمانی هەن، واتە تەنها لە %5ی توشبووان لە نەخۆشخانەن و %95یان لە ماڵەکانی خۆیاندان و پێویستیان بە نەخۆشخانە نییە.

 

وتەبێژی تەندروستیی سلێمانی ئاماژەی بەوەشكردووە: "لەکۆی توشبووانیش تەنها 22 توشبوو لە ژێر چاودێری ورد دان."، ئەوەش دەکاتە ڕێژەی %06، واتە لەهەر 100 توشبوویەک کەمتر لە یەک توشبوو لەژێر چاودێری ورد دایە.