گه‌ڕان

Shadow Shadow
چیرۆكه‌كانمان

پێنج سەرمایەدارى هەرێم لەگەڵ عادل عەبدولمەهدی لە سعودیەن

2019.04.19 - 13:53
App store icon Play store icon Play store icon
پێنج سەرمایەدارى هەرێم لەگەڵ عادل عەبدولمەهدی لە سعودیەن

کەناڵی ناس کورد لە تێلیگرام جۆین بکە   

ناس كورد-ئەحمەد مستەفا

.
عێراق و سعودیە رێككەوتنێكی بازرگانی فراوان ئەنجامدەدەن، بۆ یەكەمجار لەمێژووی عێراقدا 5 خاوەن كۆمپانیای هەرێم هاوەڵی گەشتەكەی سەرۆك وەزیرانی عێراق دەكەن بۆ سعودیە.

.

یاسین مەحمود، وتەبێژی یەكێتی وەبەرهێنەرانی كوردستان بە ناس كورد-ی راگەیاند "ئەمە یەكەمجارە لەسەر ئاستی سەرۆك وەزیران، بازرگان و وەبەرهێنەرانی كوردی هەرێمی كوردستان بەشداری پێ بكرێن و هاوەڵی گەشتەكەی عادل عەبدولمەهدی سەرۆك وەزیرانی عێراق بن بۆ وڵاتی سعودیە".

.

بەوتەی یاسین مەحمود، ئەو شاندەی كە یاوەری سەرۆك وەزیران دەكات لە گەشتەكەی وڵاتی سعودیە گەورە و فراوانە.

.

روونیشیكردەوە، لەو گەشتەدا لە هەموو عێراق 14 كۆمپانیا بەشدارن و لەو ژمارەیەش 5 كۆمپانیایان لە هەرێمی كوردستانەوە بانگهێشتكراوون کە لە نێوانیاندا کۆمپانیاکانى (کۆڵەک، قەیوان، شوان، حسێن مەلا ساڵح) بوونى هەیە.

.

وتەبێژی یەكێتی وەبەرهێنەرانی كوردستان وتیشی "عێراق و سعودیە رێككەوتنێكی بارزگانی ئەنجامدەدەن عادل عەبدولەمەهدی پێی باش بووە پرس بەوەبەرهێنەران و سەرماریەدارانی هەرێمی كوردستان و عێراق بكات".

.

ئاماژەی بەوەش كرد كە یەكێك لە ئامانجەكانی بردنی وەبەرهێنەرانی كورد لەلایەن سەرۆك وەزیرانی عێراق بۆ سعودیە بۆ پرس و راوێژە پێیان لەبارەی ئەو رێككەوتنە بازرگانیانەی كە عێراق لەگەڵ سعودیە لەبواری پیشەسازی و كشتوكاڵ و ماددە خۆراكیەكان ئەنجامی دەدات و ئامانجێكی تریشی بریتییە لە ناساندنی كۆمپانیا و وەبەرهێنەرە كورد و عێراقییەكان بە بازرگانە سعودییەكان.

.

یاسین مەحمود جەختی كردەوە، لە ئێستادا سعودیە نزیكەی یەك ملیۆن هێكتار زەوی لە عێراق وەرگرتووە، كە دەیەوێت لەڕێگەیەوە وەبەرهێنان ئەنجامبدات، بەتایبەت لە بوارەكانی بەرهەمە شیرمەنییەكان و كشتوكاڵییەكان و بەرهەمە پیشەسازییەكان.