گه‌ڕان

Shadow Shadow
سیاسه‌تی

ئەوانەی هێرشدەكەنە سەر كازمی بۆ بەردەوامی دزییەكانیانە  

یاساناسێک: دزیكردن لەخاڵە سنورییەكانی باشور و هەرێم هەر دزیكردنە و دەبێت ڕێگریان لێ بكرێت

2020.07.17 - 18:48
یاساناسێک: دزیكردن لەخاڵە سنورییەكانی باشور و هەرێم هەر دزیكردنە و دەبێت ڕێگریان لێ بكرێت

ناس کورد- 

یاساناسێكی دیاری عێراقی ڕایگەیاند، ئەو حزب و كەسایەتیانەی كە بەگەندەڵی لەخاڵە سنورییەكاندا تێوەگلاون و هێرش دەكەنە سەر كازمی و دەڵێن بۆ ناچێتە هەرێم، بۆ ئەوەیە كە دزییەكانیان بەردەوام بێت، ئەوەی ئێرە و ئەوێش هەر دزییە دەبێت ڕێگری لێبكرێت.

 

لەڕاگەیەنراوێكیدا تاریق حەرب، یاساناسی دیاری عێراقی ڕایگەیاندووە، ئەوانە لەخاڵە سنورییەكانی باشوورە قاچاخی دەكەن و ملیارەها دۆلاریان دەستكەوتووە دەڵێن: بۆچی سەرۆكوەزیرانی عێراق ناچێت بۆ خاڵە سنورییەكانی هەرێمی كوردستان، قسەی ئەوان و بندیوارەكانیان وەكو ئەوە وایە دزێك بەدادوەرەكە بڵێت بۆچی سزای من دەدەیت، ڕاستە من دزی دەكەم بەڵام خۆ لەكوردستانیش كەسێك دزی دەكات وكەسیش سزای نادات".

 

حەرب ئاماژەی بۆ ئەوەش كردووە، وتەی ئەوانە كە دژی ڕێوشوێنەكانی كازمی لەخاڵە سنورییەكانی دیالە و بەسڕە دەیڵێنەوە، دانپێدانانێكە بۆ ئەوەی ئەوانە سودیان لەو خاڵە سنوریانە وەرگرتووە و چەندین ملیار دۆلاریان بەو ڕێگایانە كۆكردووەتەوە.

 

ئەوەشی خستووەتە ڕوو، دەزانن هۆكاری بەڕوودا وەستانی كازمی لەو ڕێوشوێنانەی بۆ قەدەغەكردنی گەندەڵی گرتووەتە بەر لەخاڵی سنوری بەسڕە، ئەوەیە كە ژمارەیەك حزب و میدیا و كەسایەتی زیانیان بەردەكەوێت، هەر بۆیەشە دەڵێن ئەی بۆچی ڕێوشوێن لەدژی گەندەڵی كردن لە خاڵە سنورییەکانى هەرێمی كوردستان ناگیرێتە بەر، بۆ ئەوەی خۆیان لەناوەڕاست و باشوورەوە بەردەوام بن لەدزییەكانیان.

  

حەرب دەشڵێت:" لەبەر ئەوەی ڕۆیشتن بەرەو خاڵە سنورییەكانی هەرێمی كوردستان بەردەوام بوونی خۆیانە لەسەر دەستكەوتنی دزیەكانیان و بەردەوامبونیانە لەسەر دزیکردن".


لەكۆتایی ڕاگەیەنراوەكەیدا یاساناسە دیارەكەی عێراق باسی لەوەش كردووە :"ناڕەزایەتیەكان لەپێناو بەردەوامی بەگەندەڵیەكانیاندا لەهیچ ئاین و یاسا و لۆژێكیدا نیە دەستی دادوەر بگرێت بۆ ئەوەی كەسێكی تر دزیەكەی بكات، چ لەخاڵە سنورییەكانی باشوور و هەرێم هەمووی هەر دزییە و گەر ڕێگریكردن لەگەندەڵكاران لەباشوور نەگاتە خاڵە سنوریەكانی هەرێمیش ئەوا كاریگەریان نابێت".