گه‌ڕان

Shadow Shadow
سیاسه‌تی

لەشەش شاری تورکیا و باکوری کوردستان چالاکی دژی تورکیا ئەنجامدرا

2020.07.17 - 13:48
لەشەش شاری تورکیا و باکوری کوردستان چالاکی دژی تورکیا ئەنجامدرا

ناس کورد-

یەکینەکانی تۆڵەکردنەوەی ساکینە جانسز و یەکینەکانی پاراستنی سڤیل (یەپەسە) لە شارەکانی ئامەد و ئێلحی باکوری کوردستان و شارەکانی ئیستەنبوڵ، ئەدەنە، مێرسین و ئزمیر لە تورکیا دژی دەوڵەتی تورک چالاکییان ئەنجامدا و چەند ئۆتۆمبێل و مارکێتێکیان سوتاند.

 

لەڕاگەیەندراوێکدا یەکینەکانی تۆڵەکردنەوەی ساکینە جانسز ڕایگەیاند: " دوێنێ پێنجشەممە 16ی تەموزی 2020، لە ناوچەى پۆزانتیی ئەدەنە، ئۆتۆمبێلێکى مەدەنیی کەسێکى لایەنگری داگیرکەران و لە ئاکدەنیزی مێرسینیش مارکێتێکى نۆکەرانی فاشیزم ئاگریان تێبەردرا و سوتێنران."

 

ئاماژەی بەوەشكردووە: "هاوکات لە لە 15ی ئەم مانگە، لە گەڕەکی پزیشکان لە ناوەندی ئێلح دوو ئۆتۆمبێلی سەربازانی داگیرکەری فاشیست سوتێنران، لە 14ی مانگیش لە فارقینی ئامەد لە دژی بنکەیەکى سەربازان چالاکی بە مۆلۆتۆف و فیشەکی ئاگرین (هەوایی) ئەنجامدرا و لە 12ی مانگیش لە ناوچەى چارلاجای سیلیڤریی ئیستەنبوڵ پاسێک و بارهەڵگرێکى فاشیستەکان سوتێنران."

 

لەلایەکی دیکەوە یەکینەکانی پاراستنی سڤیل (یەپەسە) لە ڕاگەیەندراوێكدا ڕایگەیاند: "لە 15ی ئەم مانگە، ئۆتۆمبێلیکی لوکس بە ژمارەی '06 BFT 124' کە هی کەسێک بەناوی “ئۆ-چ”ـە و لە مێردین سیخوڕی بۆ دەوڵەتی تورک دەکات سووتێندرا."

 

ئەوەشخراوەتەڕوو: "هەر هەمان رۆژ لە ناوچەی عالیاغای ئیزمیر، ئۆتۆمبێلێک بە ژمارەی “35 FB 764“، کە هی کەسێکە کە هاوکاریی ئاکەپە دەکات سووتێندرا."

 

یەپەسە ئاماژەی بەوەشكردووە: " یەکینەکانی تۆڵەکردنەوە، دژی هاوکار و بەکرێگیراو و سیخوڕانی داگیرکەری تورک لە هەموو شوێنێک چالاکییەکانیان بەردەوام دەکەن."