گه‌ڕان

Shadow Shadow
سیاسه‌تی

كۆرۆنا سودێكى دیکەی گەورەى بە مرۆڤايەتى گەياندوە

2020.07.16 - 22:55
كۆرۆنا سودێكى دیکەی گەورەى بە مرۆڤايەتى گەياندوە

 

ناس کورد- 

بەپێى لێكۆڵينەوەيەكى نوێ، تەنها لە وڵاتى بەريتانيا بەهۆى ترس لە ڤايرۆسى كۆرۆنا و دابەزينى سيستمى بەرگریى جەستە، زياتر لە يەك مليۆن كەس وازيان لە جگەرە كێشان هێناوە.

 

بەپێى لێكۆڵينەوەيەك كە كۆمەڵەيەكى كارى خێرخوازى لە بەريتانيا ئەنجاميانداوە سەبارەت بە جگەرە كێشان و تەندروستى، دەركەوتوە كە لە وڵاتى بەريتانيا زياتر لە يەك مليۆن كەس وازيان لە جگەرەكێشان هێناوە، 41%ى ئەوانەى وازيان هێناوە باسيان لەوەكردوە كە بەهۆى مەترسيەكان ڤايرۆسى كۆرۆناوە بووە.

 

ئەوەش هاتوە، لێكۆڵينەوەكە لەنێوان 15ى نيسان بۆ 20ى حوزەيران ئەنجامدراوە و ئەو ئەنجاممە دەستكەتووە.

 

لەلايەكى ترەوە "كۆلێژى زانكۆيى لەندەن" بڵاويكردوەتەوە، ژمارەى ئەو كەسانەى ئەمساڵ وازيان لە جگەرەكێشان هێناوە زياتر بووە لە هەر ساڵێك، ئەوەش لەوكاتەوەى كە دەستيان بە لێكۆڵينەوەكانيان كردوە لە ساڵى 2007 ەوە.

 

ئەمەش لەكاتێكدايە، زانايان و پزيشكان باس لەوەدەكەن، نيشانەكانى كۆرۆنا لەسەر ئەوانەى جگەرە دەكێشن زياتر توندن لەوانەى كە جگەرەكێش نين.

 

پێشتريش "ميشائيل بفايفر" پرۆفيسۆرى ئەڵمانى ئاماژەى بەوەدابوو، جگەرە كێشان مەترسى توشبوون بە ڤايرۆس زياتر دەكات، لەوانەش ڤايرۆسى كۆرۆناى نوێ.

 

ڕونيشيكردبوەوە، جگەرەكێشان بەرگرى ژوورە هەواييەكانى سيەكان لاواز دەكات و بەهۆيەوە ڤايرۆس هيچ بەرهەڵستيەك نايەتە رێى لە هێرشكردنە سەر دەزگاى هەناسەدان.