گه‌ڕان

Shadow Shadow
سیاسه‌تی

دانیشتووی شاری سلێمانین

سلێمانی؛ باندێكی بازرگانیكردن بەجەستەی مرۆڤەوە دەستگیركران

2020.07.16 - 16:27
سلێمانی؛ باندێكی بازرگانیكردن بەجەستەی مرۆڤەوە دەستگیركران

ناس کورد-

بەڕێوەبەرایەتیی پۆلیسی سلێمانی ڕایگەیاند، باندێکی بازرگانیکردنیان بە جەستەی مرۆڤەوە دەستگیرکردووە کە لە هەشت کەس پێکهاتوون و کاریان کڕین و فرۆشتن بووە بە گورچیلەی مرۆڤەوە.

لە ڕاگەیەندراوێکدا بەڕێوەبەرایەتیی پۆلیسی سلێمانی ڕایگەیاند: "مەفرەزەكانی بنكەی پۆلیسی سەرچنار باندێكی بازرگانیكردنیان بەجەستەی مرۆڤەوە دەستگیركرد كە كاریان كڕین و فرۆشتن بووە بەگورچیلەی مرۆڤەوە."

 

ئاماژەی بەوەشکردووە: " دوای ئەوەی زانیارییان پێگەیشت لەبارەی باندێكی بازرگانیكردن بەجەستەی مرۆڤ، دوای وەرگرتنی بڕیاری دادوەر، بنكەی پۆلیسی سەرچنار ڕاسپێردرا بۆ دۆزینەوەو دەستگیركردنی تۆمەتباران، دوای لێكۆڵینەوەو گەڕان و بەدواداچوون توانرا هەشت تۆمەتبار دەستگیر بكرێن كە كاریان بازرگانیكردن بووە بەگورچیلەی مرۆڤەوە.".

 

بەگوێرەی ڕاگەیەندراوەکەی پۆلیسی سلێمانی تۆمەتبارەکان بریتین لەم کەسانە:

 

 ( أ ، ی ، ع ) لەدایكبووی 1996، كوردی دانیشتوی شاری سلێمانی .

(ه ،ع،س ) لەدایكبووی 1986، كوردی دانیشتوی شاری سلێمانی.

(ع ، أ ، م ) لەدایكبووی 2000، عەرەبی دانیشتوی شاری سلێمانی.

(م،أ،ح) لەدایكبووی 2000، عەرەبی دانیشتوی شاری سلێمانی.

(ی ،س،م ) لەدایكبووی 1994، عەرەبی دانیشتوی شاری سلێمانی.

(أ،ح،ز )لەدایكبووی 1973 ، عەرەبی دانیشتوی شاری سلێمانی.

(ه ،ی،ت )لەدایكبووی 1998، عەرەبی دانیشتوی شاری بەغدا.

(ع،ع،ك) لەدایكبووی 1998، عەرەبی دانیشتوی شاری سلێمانی.

 

پۆلیسی سلێمانی ئەوەشی خستووەتەڕوو: "بەفەرمانی دادوەرو بەپێی یاسای تایبەت بەبازرگانیكردن بەئەندامانی جەستەی مرۆڤەوە تۆمەتباران ڕاگیراون و لەبەردەم دادوەری لێكۆڵینەوە دانیان ناوە بەتاوانەكەیاندا."