گه‌ڕان

Shadow Shadow
سیاسه‌تی

كەسایەتیە كاریگەرەکانى جیهانی گرتووەتەوە

تویتەر ڕوبەڕوی گەورەترین هێرشی ئەلەکترۆنى بووەوە

2020.07.16 - 13:24
تویتەر ڕوبەڕوی گەورەترین هێرشی ئەلەکترۆنى بووەوە

ناس کورد- 

شارەزایانی بواری تەكنەلۆژیا هۆشداری ئەوە دەدەن كە پڕۆسەی هاككردنی هەژماری كەسایەتیە دیارەكانی جیهان لە تویتەر پێدەچێت ڕوداوێك بێت پەیوەندی بەناوخۆی كۆمپانیاكەوە هەبێت و ئەو ڕوداوەش لەلایەن دەزگایەكی پەیوەندیدارەوە بەگەورەترین هاككردنی ئەمنیى لەمێژووی كۆمپانیاكەدا ناو دەبرێت.

 

 

 

 

شارەزایانی بوارەكە ئاماژە بۆ ئەوە دەكەن، چەند ساڵێكە  قەیرانێكی گەورە  ڕوبەڕووی كۆمپانیاكە بووەتەوە بەڵام ئەمەی ئێستا نوێیە و هاككردنەكە و ئاستی هەماهەنگییەكەی ئەو پرۆسەیە بەرفراوان بووە و چەندین كەسایەتی جێبەجێكاریشی گرتووەتەوە.

 

تویتەر كە هێرشی ئەلەکترۆنى كراوەتە سەر بەهۆی بەسیستی وەڵامدانەوەی قەیرانەكەوە، دوای چەند كاتژمێرێك لەلێكۆڵینەوە ئەوەی ڕاگەیاندووە،هێرشەكە چەندین كارمەندی ناو كۆمپانیاكەی کردووەتە ئامانج كە مافی بەكارهێنانی سیستمی ناوخۆیی و خزمەتگوزارییەكانیان هەیە.

 

بەوتەی شارەزایانی بوارەكە بۆ ماڵپەڕی كوین دیسك ئاماژە بۆ ئەوە كراوە، كێشەكە پەیوەندیان بەخاوەنی هەژمارەكانەوە نیە بەڵكو كێشەكە پەیوەندی بەلایەنی سێیەمەوە یاخود بەخودی تویتەرەوە هەیە.

 

ئاژانسی ڕۆیتەرزیش ئەوەی بڵاوكردووەتەوە، چوارچێوەی كێشەكە نامۆیە و ئاماژەیەكە بۆ ئەوەی هاككەران توانیبێتیان كۆی سیستمەكە نەك تەنها هەژمارە كەسیەكانیان هاككردبێت و هەندێكی دیكەش لەشارەزایان وای بۆ دەچن هاككەران چوبێتنە ناو ژێرخانی ناوخۆی سیستمی تویتەرەوە.

 

چەتەكەكان سەرەتا نامە لەسەر نامە بۆ چاودێریكردنی هەژمارە هاككراوەكان ڕەوانە دەكەن و داوایان لێ دەكەن كلیك لەسەر ئەو لینكە بكەن كە بە (Crypto For Health) ناسراوە بەمەبەستی گەیشتن بەپارەی بتكوێن.



هەر بەپێی میدیا جیهانیەكان، چەتەیكردن بەسەر هەژماری چەندین كەسایەتی ئەمریكاوە ڕویداوە لەوانە بیڵ گەیتس دامەزرێنەری كۆمپانیای مایكرۆسۆفت و باراك ئۆبامای سەرۆكی پێشووی ئەمریكا و جۆبایدن كاندیدی سەرۆكایەتی بۆ هەڵبژاردنی داهاتوو و ئیلیۆن ماسك سەرۆكی جێبەجێكاری كۆمپانیای ئەمازۆن و چەندین كەسایەتی دیكە.