گه‌ڕان

Shadow Shadow
سیاسه‌تی

تەندروستى راپەڕین: 29 توشبووى کۆرۆنا چاکبوونەوە

2020.07.16 - 09:34
تەندروستى راپەڕین: 29 توشبووى کۆرۆنا چاکبوونەوە

ناس کورد-

بەڕێوەبەرایەتى گشتى تەندروستى راپەڕین راگەیەندراوێکى لەبارەى چاکبوونەوەى 29 توشبووى کۆرۆنا لەسنورەکە، بڵاوکردەوە.

 

لەراگەیەندراوەکەى بەڕێوەبەرایەتى گشتى تەندروستى راپەڕین ئاماژە بەوە کراوە، دوای وەرگرتنی ڕێنمایی وداخڵکردن و مانەوەیان لەکەرەنتین و سەنتەرەکانی نەخۆشیەگوازراوەکان و سەرپەرشتیکردنی توشبوان لە لایەن پزیشکان و کارمەندانی بەڕێوەبەرایەتیمان سوپاس بۆ خوای گەورە  29حاڵەتی چاکبونەوەی ڤایرۆسی کۆرۆنا لەسنوری ئیدارەی ڕاپەرین تۆمارکران".

 

بەگوێرەى راگەیاندراوەکە بەچاکبوونەوەى ئەو هاووڵاتیانە کۆى گشتى چاکبووەکان لەو سنورە گەیشتە 99 چاکبوونەوە.

 

بەڕێوەبەرایەتییەکە لە راگەیەندراوەکەیدا هاووڵاتیانى ئەو سنورە لەوە دڵنیا دەکاتەوە کە هەموو هەوڵێک دەدەن  بۆ پاراستنیان و داوایان لێدەکات خۆیان و ماڵ و مناڵیان بپارێزن و پابەندی ڕێنماییە تەندروستیەکانبن و هاوکاریان بن بۆ تێپەڕاندنی ئەم دۆخە.

 

بۆ خۆپارێزگاریکردنیش لە ڤایرۆسەکە داوا لە هاووڵاتیان دەکات کە پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسك و دەستکێش، وە لەکاتی پێویستدا پەیوەندی بکەن بە هێڵی گەرمی ژمارە (١٢٢).