گه‌ڕان

Shadow Shadow
سیاسه‌تی

زاناكەى كۆشكى سپى كاتى كۆتايهاتنى كۆرۆنا ديارى دەكات

2020.07.15 - 23:47
زاناكەى كۆشكى سپى كاتى كۆتايهاتنى كۆرۆنا ديارى دەكات

ناس کورد- 

ئەنتۆنيۆ فاوچى گەورە شارەزاى بوارى نەخۆشيە گواستراوەكان لە ئەمريكا ڕایگەیاند، مەترسى پەتاى كۆرۆنا ئەمساڵ كۆتايى دێت، ئەگەر قۆناغەكانى گەشەپێدانى ڤاكسين بە باشى بچنە پێشەوە.

 

فاوچى بە ماڵپەرى "بزنس ئينسايدەر"ى وتوە: لەماوەى ساڵێك ياخود 18 مانگ لەوانەيە چيتر نيگەرانى خەڵك سەبارەت بە توشبوون بەو ڤايرۆسە ترسناكە نەمێنێت.

 

باسى لەوەشكردوە: ڤاكسينێك نابێت كە 100% لە ڤايرۆسى كۆرۆنا بمانپارێزێت، ئەوەى هيواى بۆ دەخوازين ڤاكسينێكە كە بەڕێژەى 70% بۆ 75% چالاك بێت.

 

قسەكانى فاوچى دواى ئەوەدێت، كۆمپانياى "مۆدێرنا"ى ئەمريكى بۆ دروستكردنى دەرمان جەختى كردوەتەوە، تاقيكردنەوەى سەرەتايى بۆ ئەو ڤاكسينەى دژى ڤايرۆسى كۆرۆنا پەرەيان پێداوە دەريدەخەن كە پارێزراوە و هانى سيستمى بەرگرى دەدات بۆ وەڵامدانەوە.

 

كۆمپانياى "مۆدێرنا" يەكێكە لەو كۆمپانيا پێشەنگانەى جيهان كە هەوڵى دروستكردنى ڤاكسينێك دژى ڤايرۆسى كۆرۆنا دەدەن كە تائێستا زياتر لە 13 مليۆن و 500 هەزار كەسى لە جيهاندا توشكردوە و نزيكەى 600 هەزار كەسيش بەهۆيەوە گيانيان لەدەستداوە.

 

كۆمپانياكە ئەوەشى ڕونكردوەتەوە، لە 27ى ئەم مانگە تاقيكردنەوەى قەرەوێڵەيى دەچێتە قۆناغى كۆتايى، ئەوەش لەپێناو زانينى كاريگەرى ڤاكسينەكە بۆ پاراستنى مرۆڤ لە توشبون.

 

لە قۆناغى كۆتايدا ڤاكسينەكە لەسەر 30 هەزار خۆبەخش لە ولايەتە يەكگرتوەكانى ئەمريكا تاقيدەكرێتەوە، هەروەها تا ماوەى دوو ساڵ بەدواداچون بۆ بارودۆخى تەندروستى ئەو كەسانە دەكرێت بۆ ئەوەى بزانرێت كە ڤاكسينەكە ئارامە و ڕێگريدەكات لە توشبونى كەسەكان بە كۆرۆنا ياخود نا.

 

بڕيارە لێكۆڵينەوەكە تا 27\10\2022 بەردەوام بێت، بەڵام ئەنجامە سەرەتاييەكان زۆر پێش ئەو وادەيە بڵاودەكرێنەوە.