گه‌ڕان

Shadow Shadow
سیاسه‌تی

سەركردەى دەزگايەكى هەستيار بووە لەناو حەماسدا

زانيارى نوێ لەسەر سيخوڕە هەڵهاتووەکەى حەماس بۆ ئيسرائيل ئاشكرا دەكرێت

2020.07.15 - 09:07
زانيارى نوێ لەسەر سيخوڕە هەڵهاتووەکەى حەماس بۆ ئيسرائيل ئاشكرا دەكرێت

ناس کورد-

ماڵپەڕی عەرەبییە لە زاری سەرچاوەیەکەوە وردەكارى هەڵهاتنی سەركردەيەكى بزوتنەوەى حەماسی بۆ ئيسرائيل و ئاشكراكردنى زانيارى ورد لەسەر جوڵەكانى سەركردەكانى بزوتنەوەكە و شوێنى هەڵگرتنى چەك و موشەكەكانيان و شوێنى ڕاهێنانەكانيان و نيشتەجێبونى سەركردە سەربازى و سياسيەكانيان ئاشكرا دەكات.

 

ماڵپەڕى عەرەبیە بڵاويكردوەتەوە، بەپێى زانيارى سەرچاوەكانی، ئەندامانى دەزگاى موسادى ئيسرائيلى سەركرەيەكى بزوتنەوەى حەماسيان لە فەڵەستینەوە دزە پێكردوە و بردويانەتە ئيسرائيلەوە، پرۆسەكە ماوەى 72 كاتژمێرى خاياندوە.

 

ئەوەش هاتووە، لاى خۆشيەوە ئيسماعيل هەنييە سەرۆكى مەكتەبى سياسى بزوتنەوەكە دەستى بە لێكۆڵينەوە كردوە و داواى لە لێكۆڵەران كردوە كە بەردەوام زانيارى پێ بدەن و لێكۆڵينەوەكان بۆ دۆزينەوەى ئەندامانى ترى سيخوڕيش دەستيان پێكردوە.

 

ناسنامەى هەڵاتوەكە

تائێستا ناسنامەى هەڵاتوەكە دڵنيا نەكراوەتەوە، بەڵام سەرچاوە فەڵەستينيەكان باس لەوەدەكەن كە سەرۆكى يەكەيەكى سەر بە كەتيبەكانى عیزەدين قەسام بووە كە باڵى سەربازیی بزوتنەوەى حەماسە.

 

بەهۆى هەڵهاتنی ئەو سەركردەيەى بزوتنەوەكە ژمارەيەك ئەندامى تريش بە تۆمەتى سيخوڕيكردن بۆ ئيسرائيل دەستگير كراون، لەوانەش محەمەد عومەر ئەبوعجوە لەلايەن ئاسايشى ناوخۆيى بزوتنەوەى حەماسەوە دەستگير كراوە و تۆمەتى سيخوڕيكردنى بۆ ئيسرائيل لەسەرە، ئەو كەسەش بەرپرسى يەكەمى دامەزراوەى پەيوەندیيە ئەلكترۆنيەكانى كەتيبەكانى قەسام بوو لە ناوچەى شوجاعيە لە ڕۆژهەڵاتى شارى غەزە.

 

بەپێى ڕاپۆرتەكان، ئەگەرى هەيە "ئەبو عجوە" زانيارى ستراتيژى لەسەر تۆڕى پەيوەنديەكانى كەتيبەكان و ئاسايشى حەماس لەناو كەرتى غەزە دزەپێكردبێت بۆ ئيسرائيل.

 

محەمەد عومەر ئەبوعجوە كێييە؟

لەلايەن شانەى سيخوڕى كەتيبەكانى قەسامەوە تۆمەتبار كراوە بە سيخوڕيكردن بۆ ئيسرائيل و دەستگير كراوە، دانيشتوى ناوچەى شوجاعيەيە و بەشى ئەندازيارى كۆمپيوتەرى تەواو كردوە.

 

بەپێى ڕاپۆرتەكان، پەيوەنديەكانى لەگەڵ هەواڵگرى ئيسرائيلدا لەساڵى 2009ەوە دەستى پێكردوە، پێگە ستراتيژيەكەى لە كەتيبەكانى قەسام و وەك ڕائد لە ئاسايشى ناوخۆيى حەماس و بەرپرسى دامەزراوەى پەيوەنديە ئەلكترۆنيەكانى قەسام لە ناوچەى شوجاعيە ئيستغلال كردوە.

 

بەپێى سەرچاوەكان، ئەو دامەزراوەيە بريتييە کۆنتڕۆڵی كامێراى چاودێرى و تۆڕى پەيوەنديە ناوخۆييەكانى كەتيبەكانى قەسام لەژێر زەوى کردووە، هەروەها سەرپەرشتى خولەكانى كردوە دەربارەى چۆنێتى كۆكردنەوەى زانيارى و ئاسايشى تايبەتى و بەرەنگاربونەوەى سيخوڕى.

 

محەمەد عومەر ئەبوعجوە لەبەر ئەوەى سەرپەرشتى دەزگايەكى زيندوو و ستراتيژى كردوە شڵەژان و توڕەبونێكى زۆرى لەلاى بەرپرسانى غەزە دروست كردوە و بەهۆى ئەوەشەوە بەتەواوەتى تۆڕى پەيوەندى و كامێرا ئەمنيەكان و خاڵەكانى بەيەكگەيشتن و ژمارەى تەلەفۆنەكان و هێڵە زەمينيەكانيان گۆڕيوە و تەواوكردنيشى چەندين ساڵى ترى دەوێت، ئەوەش بەهۆى ئەوەى كە ئيسرائيل ئاگادارى سەرجەم كارە نهێنيەكانيانە بە سەرجەم وردەكاريەكانەوە.