گه‌ڕان

Shadow Shadow
سیاسه‌تی

لە حاجی ئۆمەران دەست بەسەر 25 کیلۆ زێڕدا گیرا

2020.07.14 - 22:00
لە حاجی ئۆمەران دەست بەسەر 25 کیلۆ زێڕدا گیرا

ناس کورد-

ئەمڕۆ سێشەممە لە دەروازەی نێودەوڵەتی حاجی ئۆمەران دەست بەسەر 25 کیلۆ و 400 گرام زێڕدا گیراوە کە "تۆمەتبارەکان دەیانویست بەنایاسایی بیهێننە هەرێمی کوردستان".

 

سیروان حسێن، بەرپرسی ڕاگەیاندن و پەیوەندیەکانی دەروازەی نێودوڵەتی حاجی ئۆمەران بە ناس کوردی ڕاگەیاند: "ئەمڕۆ سێشەممە هێزەکانی ئاسایشی دەروازەی حاجی ئۆمەران لەکاتی پشکنینی بارهەڵگرێک توانییان لەناو چەکمەجەی بارهەڵگرەکە دەست بەسەر 21 پارچە زێڕدا بگرن".


ئاماژەى بەوەشکرد، شۆفێری بارهەڵگرەکە عێراقییە و ویستوویەتی بە شێوەی نایاسایی هاوردەی هەرێمی کوردستانی بکات.


باسی لەوەشکرد، پەڕاوی لێکۆڵینەوە بۆ دۆسیەکە کراوەتەوە و شوفێرەکەش ڕەوانەی بەشی یاسای گومرگ کرا بۆ گرتنەبەری ڕێکاری یاسای و گومرگی.