گه‌ڕان

Shadow Shadow
سیاسه‌تی

پزیشکە پیرەکەى کۆشکی سپی هەواڵی دڵخۆشکەری پێیە لەبارەى ڤاکسینی کۆرۆنا

2020.07.14 - 19:03
پزیشکە پیرەکەى کۆشکی سپی هەواڵی دڵخۆشکەری پێیە لەبارەى ڤاکسینی کۆرۆنا

ناس کورد-

ئەنتۆنيۆ فاوچى، بەڕێوەبەرى پەيمانگاى نيشتمانى بۆ نەخۆشيە گوازراوەکان و هەستيارى لە ولايەتە يەكگرتوەكانى ئەمريكا دەڵێت، هەنگاوى باش بڕدراوە لە ڤاكسينى دژە كۆرۆنا و تا كۆتايى ئەمساڵ يەكێك لەو ڤاكسينانە بەردەست دەبێت.

 

ئەنتۆنيۆ فاوچى لە لێدوانێكى ڕۆژنامەوانيدا باسى لەوەكردوە: تا كۆتايى ساڵى 2020 يەكێك لەو ڤاكسينانەى دژەى ڤايرۆسى كۆرۆنا كە لەژێر تاقيكردنەوەدان بەردەست دەبێت.

 

ئاماژەى بەوەشداوە: پێشكەوتنەكانى ڤاكسينى دژە كۆرۆنا هەنگاوێكى پێشكەوتوويان بڕيوە و لە قۆناغى تاقيكردنەوەى قەرەوێڵەيين، و يەكێك لەوانەش تا كۆتايى ئەمساڵ بەردەست دەبێت.

 

ئەم قسانەى فاوچی لەكاتێكدا پێشتريش "ئارنۆ فۆنتانیە" شارەزای زانستی پەتاكان و ئەندامی ئەنجومەنی زانستی فەرەنسی تایبەت بە ڤایرۆسی كۆرۆنا وتبوى: دروستكردنی ڤاكسینێكی كاریگەر چەندین ساڵی دەوێت، بەدڵنیاییەوە هەوڵێكی زۆر هەن بۆ گەشەپێدانی ڤاكسینێك بۆ كۆرۆنا، بەڵام ئەگەر تا ساڵی 2021 ڤاكسینێكی چالاك دروستكرا ئەوا توشی سەرسوڕمانم دەكات.

 

باسی لەوەشكردبوو: هەرچەندە لەوانەیە ڤاكسینێك دروستبكرێت، كە بەشێوەیەكی رێژەیی سودی هەبێت، بەڵام كۆتاییهاتنی قەیرانەكە تائێستا دورە، بۆیە پێویستە خەڵك لەگەڵ ڤایرۆسەكەدا بژین.

 

ڤايرۆسى كۆرۆنا كە لە كۆتاييەكانى ساڵى 2019 لە وڵاتى چين دەركەوت، بەردەوامە لە پەلكێشان بە جيهاندا و ژمارەى توشبوان گەيشتوەتە 13 مليۆن و زياتر لە 300 هەزار، هەروەها تائێستاش زياتر لە 577 هەزار كەس گيانيان لەدەستداوە.