گه‌ڕان

Shadow Shadow
سیاسه‌تی

کۆرۆنا لە بەلجیکا.. بۆ یەکەمجار ڕۆژێک بێ هیچ حاڵەتێکی مردن

2020.07.14 - 18:27
کۆرۆنا لە بەلجیکا.. بۆ یەکەمجار ڕۆژێک بێ هیچ حاڵەتێکی مردن

ناس کورد-

بۆ يەكەمجارە لە مانگى ئازاری ئەمساڵەوە، بەلجيكا لە ماوەى 24 كاتژمێرى ڕابردوودا هيچ حاڵەتێکی گيانلەدەستدانی بە ڤايرۆسى كۆرۆنا تۆمار نەكردوە.

 

ئاژانسى ڕۆيتەرز بڵاويكردەوە، لەماوەى 24 كاتژمێرى ڕابردودا هيچ حاڵەتێكى گيانلەدەستدان بە ڤايرۆسى كۆرۆنا لە بەلجيكا تۆمار نەكراوە، لە 10ی ئازاری 2020ەوە ئەوە يەكەمجارە ڕووبدات، لەكاتێكدا پێشتر يەكێك بوو لە وڵاتە مامناوەندەكان لە ڕووى زیانەکانی کۆرۆناوە.

 

هەروەك زۆرێك لە وڵاتانى ترى ئەوروپا، بەلجيكاش لە مانگەكانى سێ و چوار و پێنجى ئەمساڵ زيانێكى زۆرى بەهۆى كۆرۆنا پێگەيشت، بەڵام توانى ژمارەى توشبووان بەشێوەيەكى بەرچاو كەمبكاتەوە ئەويش لەڕێگەى سەپاندنى جياكردنەوەى گشتى، بەڵام لەئێستادا ڕێوشوێنەكانى سوكتر كردوە.

 

ژمارەى دانيشتوانى بەلجيكا 11 مليۆن و 500 هەزار كەسە، تائێستاش بەهۆى پەتاكەوە نۆ هەزار و 787 كەس گيانيانلەدەستداوە، واتە لە هەر مليۆنێك كەسێك 850 هەزار كەس گيانيانلەدەستداوە، ئەوەش يەكێكە لە خراپترين ئامارەكان لە جيهاندا.

 

لەئێستادا كۆى گشتى توشبووان گەيشتوەتە 62 هەزار و 781 كەس، ڕێژەى تۆماركردنى ڕۆژانەش 95 كەسە و لەچاو هەفتەى پێشوودا 11% كەميكردوە.

 

سەبارەت بە هاتنە دەرەوەى هاوڵاتيان بەتايبەتى لە پشوەكاندا، ماجى دى بلوك، وەزيرى تەندروستى ئەو وڵاتە ئاماژەى بەوەداوە: لەئێستادا بەلجيكا زياتر ئامادەيە بۆ ڕوبەڕوبونەوەى كۆرۆنا وەك لەسەرەتاى ئەمساڵ كاتێك ئارەزومەندانى خليسكێنەى سەر بەفر لەكاتى گەڕانەوەيان ڤايرۆسەكەيان هێنا.