گه‌ڕان

Shadow Shadow
سیاسه‌تی

پەروین بوڵدان: دەستگرتن بەسەر شارەوانییەکاندا کودەتایە

دادگاى تورکیا بڕیاریدا فیگەن یوکسەکداغ لە زینداندا بهێڵرێتەوە

2020.07.14 - 15:49
دادگاى تورکیا بڕیاریدا فیگەن یوکسەکداغ لە زینداندا بهێڵرێتەوە

ناس کورد-

دادگاى تورکیا بڕیاریدا  فیگەن یوکسەکداغ، هاوسەرۆکی پێشووی هەدەپە لە زیندان بهێڵرێتەوە، پەروین بوڵدان، هاوسەرۆکى هەدەپەش ڕایگەیاند، دەستگرتن بەسەر شارەوانییەکاندا بەرێگەى نایاسایی کودەتایە.

 

بەپێی ئاژانسى فورات نیوزە، ئەمڕۆ (سێشەممە) یوکسەکداغ و پارێزەرەکانى لە زیندانی کاندرا لە ڕێگەی سیستمی دەنگ و رەنگەوە بەشدارییان لە دانیشتنى دادگادا کردووە.

 

لە دانیشتنەکەدا یوکسەکداغ ڕایگەیاند "دەستگیردنمان بەرهەمی کودەتای سیاسیە. کودەتاکە هێشتاش بەردەوامە. ئێمە لە ڕووی ئابوری و کۆمەڵایەتیەوە زیاتر کاریگەری کودەتاکە دەبینین.  دەرکەوت کە کودەتا زیاتر لەبەرانبەر سیستمی یاسایی ئەنجامدراوە. ئێمە قوربانی ئەو کودەتایەین کە لەبەرانبەر یاسا ئەنجامدراوە."

 

لەدانیشتنەکەدا دادوەر داوای کرد یەکسەکداغ لە زینداندا بمێنێتەوە، لیژنەی دادگاش داواکەی قبوڵ کرد.

 

لاى خۆیەوە، پەروین بوڵدان، هاوسەرۆکی پارتی دیموکراتی گەلان (هەدەپە) لە کۆبوونەوەی پارتەکەیدا ڕایگەیاند "ئەو ئۆپەڕاسیۆنەی لەدژی ژنان و سیاسەتی دیموکراتی ئەنجامدرا، لەدژی یاسا، سیاسەتە، هەروەها زۆرداری و کودەتایە".

 

ئاماژەى بەوەشکرد، دەست بەسەر پەنجا شارەوانیدا ئەواندا گیراوە و قەیوم لەشوێنیان دانراوە، "ئەوە زۆرداریە. ئاکەپە بە دزی سیاسی دەستی بەسەر ئەو ناوچانەدا گرت کە نەیتوانی لە هەڵبژاردنەکاندا بەدەستی بهێنێت. لە هەرێمەکە دەستووری بنەڕەی و یاسا بە تەواوی هەڵگیراوە. یاسایەکی تایبەت بەڕێوەدەبرێت".