گه‌ڕان

Shadow Shadow
سیاسه‌تی

ئێستا نرخی نەوت چۆنە؟

’’بازاڕی نەوت بەرەو سەقامگیریی دەڕوات’’.. ئۆپێک پێشبینی نوێی دەکات

2020.07.13 - 18:54
’’بازاڕی نەوت بەرەو سەقامگیریی دەڕوات’’.. ئۆپێک پێشبینی نوێی دەکات

ناس کورد-

ئەمیندارى گشتى ڕێکخراوى ئۆپیک ڕایگەیاند، بازاڕى نەوت نزیکبووەتەوە لە گەیشتن بە هاوسەنگى بەهۆى بەرزبوونەوەى قۆناغبەندى خواست لەسەر نەوت.

 

محەمەد بارکیندو، ئەمیندارى گشتى وڵاتانی هەناردەکاری نەوت "ئۆپیک" ئەمڕۆ دووشەممە ئاماژەى بەوەکرد، ئاماژەکانى خواست و خستنەڕوو یارمەتیدەرن بۆ نزیکبوونەوە لە بازاڕێکى هاوسەنگ.

 

ئەوە لەکاتێکدایە، نرخى نەوت ئەمڕۆ بەڕێژەى 1% پاشەکشەیکرد، لەگەڵ چاوەڕوانى مامەڵەکاران بۆ کۆبوونەوەکەى ئۆپیک لەم هەفتەیەدا لە بارەى کەمکردنەوەى ئاستى بەرهەمهێنانەوە بەئامانجى پشتیوانى لە بەرزکردنەوەى نرخى نەوت.

 

نرخى نەوتى برێنت کە پێوەرێکى جیهانییە بە 42.92 دۆلار بۆ هەر بەرمیلێک مامەڵەى پێوەکرا، هەروەها نەوتى خاوى تەکساس بۆ 40.22 دۆلار دابەزى.

 

نرخى نەوت رۆژ هەینى بەڕێژەى 2% بەرزبووەوە دواى ئەوەى ئاژانسى نێودەوڵەتى وزەى ئەتۆم ئاستى پێشبینییەکانى بۆ خواست لەسەر نەوت لەمساڵدا بەڕێژەى 400 هەزار بەرمیلى نەوتى رۆژانە بەرزکردەوە.

 

نرخى نەوت بەشێوەیەکى باش بوژاوەتەوە لە نزمترین ئاستییەوە کە لە مانگى نیساندا تۆماریکرد، دواى ئەوەى وڵاتانى ئۆپیک پڵەس ڕێککەوتن لەسەر کەمکردنەوەیەکى بێپێشینەى بەرهەمهێنان بە رێژەى 9.7 بەرمیل نەوتى رۆژانە لەماوەى نێوان ئایار بۆ تەموز.

 

بڕیارە رۆژانى سێشەممە و چوارشەممە لیژنەى چاودێرى وەزارى هاوبەشى رێکخراوەکە کۆببێتەوە بۆ بەرزکردنەوەى راسپاردەکان لەبارەى ئاستى دواترى کەمکردنەوەى بەرهەمهێنان.

 

چەند سەرچاوەیەکى ئۆپیک بە ئاژانسى رۆیتەرزیان ڕاگەیاندووە، پێشبینى دەکەن ئاستى بەرهەمهێنان بگاتە 7.7 ملیۆن بەرمیلى رۆژانە لەبەرچاوگرتنى زیادبوونى خواست و بەرزبوونەوەى نرخەکەی.