گه‌ڕان

Shadow Shadow
سیاسه‌تی

ڕوونكردنەوەیەك لە وەزارەتی داراییەوە ’بەهیچ شێوەیەک ئامادەنین کاری نایاسایی بکەین’

2020.07.13 - 10:50
ڕوونكردنەوەیەك لە وەزارەتی داراییەوە ’بەهیچ شێوەیەک ئامادەنین کاری نایاسایی بکەین’

ناس کورد-

وەزارەتی دارایی و ئابوریی هەرێم ڕونکردنەوەیەکی لەسەر درێژكردنەوەی ماوەی خزمەتی چەند دادوەرێک بڵاوکردەوە و ڕایگەیاند، بەهیچ شێوەیەک ئامادەنییە  لە ژێر هیچ پاساوێكدا بڕیار و كاری نایاسایی تێپەڕێنێت.

 

لە ڕوونکردنەوەیەکدا وەزارەتی دارایی و ئابوریی حکومەتی هەرێم ڕایگەیاند: "ماوەیەكە لەلایەن هەندێك دادوەر و پارێزەر و كەسایەتی و میدیاكارەوە پرسیارمان لێدەكرێت دەربارەی درێژكردنەوەی ماوەی خزمەتی چەند دادوەرێک."

 

ئاماژەی بەوەشکردووە: " ئێمە بۆ هەموو لایەكی ڕادەگەیەنین،هیچ نووسراو و داواكارییەكی لەو بابەتە بۆ وەزارەتی دارایی و ئابوری نەهاتووە."

 

جەختیشیکردووەتەوە: " وەزارەتی دارایی و ئابوری ئامادە نییە  لە ژێر هیچ پاساوێكدا بڕیار و كاری نایاسایی تێپەڕێنێت."