گه‌ڕان

Shadow Shadow
سیاسه‌تی

حاڵەتەكانی چاكبوونەوە لەپەتای كۆرۆنا لەجیهاندا 7 ملیۆنی تێپەڕاند

2020.07.12 - 18:09
حاڵەتەكانی چاكبوونەوە لەپەتای كۆرۆنا لەجیهاندا 7 ملیۆنی تێپەڕاند

ناس کورد-

ئامارى دەزگایەكی بەناوبانگی تایبەتمەندی ئەمریكى ئاشکراى کرد، ژمارەی چاکبووان لەپەتای كۆرۆنا زیاتر لە 7 ملیۆن كەسە لەجیهاندا و تادێت ڕێژەى چاکبوونەوە روو لە زیادبوون دەکات. 

 

بەگوێرەى ئامارێكی زانكۆی هۆبكنزی ئەمریكی، ئەوانەی كە لەپەتای كۆرۆنا لەجیهاندا ڕزگاریان بووە ژمارەیان گەیشتووەتە 7 ملیۆن و زیاتر لە 500 هەزار كەس و ئەوانەشی بەو هۆیەوە گیانیانلەدەستداوە تا ئێستا ژمارەكەیان گەیشتووەتە 565 هەزار و 178كەس و ئەوانەی كە توشبوون 12 ملیۆن و 500 هەزارى تێپەڕاندووە.

 

لەكاتی سەرهەڵدانی ڤایرۆسەكە لەكانوونی دووەمی ساڵی ڕابردوو لەچین تا ئێستا ڤایرۆسەكە زیاتر لە 210 وڵاتی جیهان بڵاوبووەتەوە و ویلایەتە یەكگرتووەكان ڕیزبەندى یەكەمدایە لەلیستی توشبوواندا كە ژمارەی توشبووان 3 میلۆن و 200 هەزاری تێپەڕاندووە و ژمارەی گیانلەدەستدانیش 134 هەزار و 659 كەسە.

 

لەدواى ئەمریکا وڵاتى بەرازیل دێت كە ژمارەی گیانلەدەستدان گەیشتووەتە 71 هەزار و 469 كەس و نزیكەی 2 ملیۆن توشبوو.

 

هیندستانیش بەپلەی سێیەم دێت كە ژمارەی توشبوو نزیكەی ملیۆنێكە و ژمارەی گیانلەدەستدانیش گەیشتووەتە 22 هەزار و 123 كەس.

 

هەر بەگوێرەى ئامارە فەرمییەكان وڵاتی ڕوسیاش لەپلەی چوارەمدایە و ژمارەی توشبووان گەیشتووەتە 72 هەزار و 547 كەس و ژمارەی گیانلەدەستدانیش گەیشتووەتە 11 هەزار و 205 حاڵەت.