گه‌ڕان

Shadow Shadow
سیاسه‌تی

ميليشاكان: سێ بارهەڵگرى ئەمريكيەكانمان لەنێوان ديوانيە و سەماوە گڕتێبەردا

2020.07.11 - 23:40

ناس کورد- 

ميليشياكانى عێڕاق ئاشكرايانكرد، سێ بارهەڵگرى ئەمريكيەكانيان لەسەر ڕێگەى ديوانيە - سەماوە گڕتێبەرداوە و پۆليسى ديوانيەش ئاشكرايكردوە، شۆفێرەكان براون بۆ لێكۆڵينەوە.

 

لەو بارەيەوە عامر روكابى، وتەبێژى پۆليسى پارێزگاى ديوانيە ئاشكرايكردوە، چەند بارهەڵگرێك كە حاويە و كەلوپەل و سێ ئۆتۆمبێلى سەربازى يەكێك لە بنەك سەربازيە ئەمريكيەكانيان پێبووە، لەلايەن چەند چەكدارێكەوە لە ناوچەى "نەجمى" لەنێوان ديوانيە و سەماوە هێرشىیان كراوەتەر سەر كە لە بەسرەوە هاتوون.

 

ئاماژە بەوەشدراوە، چەكدارەكان ئۆتۆمبێڵێكى جۆرى "پيك ئەپ" يان پێبووە و شۆفێرەكانيان داگرتوە و ئاگريان بەرداوەتە بارهەڵگرەكان و دواتر ناوچەكەيان جێهێشتوە.

 

وتەبێژەكەى پۆليسى ديوانيە ئەوەشى ڕونكردوەتەوە، شۆفێرەكان براون بۆ لێكۆڵينەوە بۆ زانينى وردەكارى ڕووداوە.

 

لاى خۆشيانەوە هەژمار و دەزگا ڕاگەياندنەكانى سەربە ميليشياكانى عێراق ئاماژەيان بەوەداوە، كاروانێكى ئۆتۆمبێلە بارهەڵگرەكانى ئەمريكايان لە سەر ڕێگەى ديوانيە - سەماوە كردوەتە ئامانج و ڤيديۆى ڕوداوەكەيان بڵاوكردوەتەوە.

 

بەپێى سەرچاوەيەكى ئاگاداريش، هيچ يەكێك لە شۆفێرەكان ئەمريكى نەبوون و لەئێستادا لەلاى پۆليسى ديوانيە دەستبەسەرن و وتەيان لێ وەردەگيردرێت.