گه‌ڕان

Shadow Shadow
سیاسه‌تی

ئەميتاب باچانی ئەفسانەى بۆڵيود توشى ڤايرۆسى كۆرۆنا بوو

2020.07.11 - 22:24
App store icon Play store icon Play store icon
ئەميتاب باچانی ئەفسانەى بۆڵيود توشى ڤايرۆسى كۆرۆنا بوو

ناس کورد- 

ئەميتاب باچان، ئەفسانەى سينەماى هندى ناسراو بە "بۆڵيود" توشى ڤايرۆس كۆرۆنا بووە و بەهۆى ئەوەشەوە گواستراوەتەوە بۆ نەخۆشخانە.

کەناڵی ناس کورد لە تێلیگرام جۆین بکە   

 

باچانى تەمەن 77 ساڵ ڕايگەياندوە، پشكنينەكان دەريانخستووە كە توشبووى ڤايرۆسى كۆرۆناى نوێ COVID-19یە و گواستراوەتەوە بۆ نەخۆشخانە.

 

ئەوەشى ڕونكردوەتەوە: "نەخۆشخانەكەش دەسەڵاتدارانيان ئاگادار كردوەتەوە، هەروەها پشكنين بۆ ئەندامانى خێزانەكەم و كارمەندەكان دەكرێت و چاوەڕێى ئەنجامين."

 

ڕاگەياندنى توشبوونى بە ڤايرۆسى كۆرۆنا دواى ئەوەدێت، پێشتر هەواڵ و دەنگۆى لەسەر تەندروستى ناوبراو بڵاوكرايەوە.

 

ئەو سينەماكارە هنديە داواشى كردوە، لەماوەى 10 ڕۆژى ڕابردوودا هەركەس بينيويەتى پێويستە بچن پشكنينی ڤايرۆسى كۆرۆنا بكەن تا دڵنيابنەوە لە توشبوون ياخود توشنەبونيان.

 

توشبوونى باچان كە بە يەكێك لە ئەفسانەكانى سينەماى هندى دادەنرێت لە تۆڕە كۆمەڵايەتيەكان كاردانەوەى زۆرى بەدواى خۆيدا هێنا و كەسايەتيە بەناوبانگ و سياسيەكانى وڵاتەكەى هيواى زوو چاكبونەوەيان بۆ خواستووە.