گه‌ڕان

Shadow Shadow
سیاسه‌تی

مێژوەكەى بۆ 4 مليار و 600 مليۆن ساڵ پێش ئێستا دەگەڕێتەوە

كلكدارێك چەندين هەفتە لە ئاسماندا دەدرەوشێنەوە.. تا 6800 ساڵى تر دووبارە نابێتەوە

2020.07.11 - 22:15
App store icon Play store icon Play store icon
كلكدارێك چەندين هەفتە لە ئاسماندا دەدرەوشێنەوە.. تا 6800 ساڵى تر دووبارە نابێتەوە

ناس کورد-

زانايانى گەردونناسى چاوەڕێى تێپەڕبونى هەسارەيەكى كلكدارن كە بۆ ماوەى مانگێك لە ئاسماندا دەدرەوشێتەوە و ئەو ڕووداوەش تا 6800 ساڵى تر دووبار نابێتەوە.

کەناڵی ناس کورد لە تێلیگرام جۆین بکە   

 

تەلسكۆپى "نيو وايز"ى ناسا كە بە تيشكى خوار سور كاردەكات ئاشكرايكردوە، هەسارەيەكى كلكدارى نوێ كە هەما ناوى لێناوە "نيو وايز" دەردەكەوێت، زانايانى بەشدار لە ئەركەكە ئاماژەيان بەوەداوە، هەسارەكە پانيەكەى نزيكەى 5 كيلۆمەتر دەبێت، مێژوەكەى بۆ بنچينەى سيستمى خۆرى هەسارەى زەوى دەگەرێتەوە پێش 4 مليار و 600 مليۆن ساڵ.

 

ئەوەش هاتوە، كلكدارى "نيو وايز" بەهۆى نزيكبونەوەى لە خۆرەوە ئەو تۆز و غازەى لەسەرى بووە سوتاوە و لە ئێستادا لەڕێگەدايە و بەرەو ئێمە دێت و دواى دوو هەفتەى تر دەگاتە نزيكترين خاڵى لە هەسارەى زەويەوە.

 

هەر لەم ساڵدا دوو كلكدارى تر بە تەنيشت زەويدا تێپەڕين بەڵام هەر زوو ڕوناكيەكەيان نەما، زانايان باس لەوەدەكەن "نيو وايز" ديارترين كلكدار دەبێت كە ئەمساڵ بە تەنيشت زەويدا تێپەڕ دەبێت.

 

كەى دەتوانين لە ئاسماندا بيبينين؟

"نيو وايز" دەرفەتێكى مێژوييە و جارێكى تر دەفەتمان نابێت بيبينينەوە، چونكە وەك پێشتر باسكرا تا 6800 ساڵى تر ناگەڕێتەوە سيستمى خۆرى هەسارەى زەوى.

 

لەئێستادا جگە لە بەيانييەكى زوو (كاتژمێرێك ياخود دوو كاتژمێر پێش خۆرهەڵاتن) ناتوانين بيبينين ئەويش لە لاى ئاسمانى باكورى ڕۆژهەڵاتەوە.

 

ئەمەش واتاى ئەوەيە كاتژمێر چوارى سەرلەبەيانى دەبينرێت و دواتر لەكاتى خۆرهەڵاتندا وندەبێت، ئاژانسى ناسا ئاماژەى بەوەداوە، لە ناوەڕاستى ئەم مانگەوە دەتوانين ئێواران بيبينين و ئەويش لە باكورى خۆرئاوا، نزيكترين كاتيشى لە زەويەوە لە 22ى مانگدا دەبێت.

 

شێوەى چۆنە؟

كلكدارەكە چەندين وێنەى گيراوە كە تەنها لە شێوەى ئەستێرەيەك دەچێت، بەڵام بە دوربينێك ياخود تەلسكۆبێكى ئاسايى وردەكارى زياترى دەبينيت، بەتايبەتى لە پێش خۆرهەڵاتن و دواى خۆرئاوابوون.

 

كلكدارەكە ڕوناكيەكى ئاشكرا و پرشنگدارى هەيە لە ئاسماندا بەڵام بەپێى وتەى زانايان پرشنگداريەكەى بەهێندەى كلكدارى "هەيڵ بۆپ" نييە كە لەساڵى 1997 بە شێوەيەكى گەورەتر و ئاشكراتر دەركەوت.

 

ڕوناكيەكەى چەندە؟

زانايانى گەردونناسى ڕوناكى هەسارەكان بە پێوەرێك دەپێون كە پێى دەوترێت "ماگنيتۆد"، هەركاتێك بڕەكەى كەميكرد ئەوا لە ئاسماندا زياتر پرشنگدارتر دەردەكەوێت بۆ ئەوەى بە چاو ببينرێت.

 

بۆ نمونە مانگ 12 پلەيە و بۆ ئەوەى تەنێك بەچاو ببينرێت پێويستە 5 ياخود 6 بێت، بەپێى زانياريەكانى پێگەى "سكاى لايڤ" "نيو وايز" تا ڕۆژى چوار شەممە 1.6 پلە بووە، بەڵام كلكدارى "هەيڵ بۆپ" سفر پلە بووە و ماوەى يەك ساڵ لە ئاسماندا بينراوە.