گه‌ڕان

Shadow Shadow
سیاسه‌تی

ڕێگە بە دزینى سامانى گشتى نادرێت لە خاڵە سنورییەکان

کازمى: قۆناغى گێڕانەوەى سیستەم و یاسا دەستیپێکرد

2020.07.11 - 12:14
کازمى: قۆناغى گێڕانەوەى سیستەم و یاسا دەستیپێکرد

ناس کورد-

 

مستەفا کازمى سەرۆکوەزیرانى عێراق ڕایگەیاند، قۆناغى گێڕانەوەى سیستەم و یاسا دەستیپێکردووە و ڕێگە بە دزینى سامانى گشتى نادەن لە خاڵە سنورییەکان.

 

کازمى ئاماژە بەوەشکردووە، داواى لە بەڕێوەبەرى دەروازەکان کردووە پلاندابنێن بۆ دوبارە بەگەڕخستنەوەى سەرجەم دەروازە سنورییەکان.

 

جەختیشیکردووەتەوە، کاروبارى گومرگ لەژێر پارێزگارى هێزە سەربازییەکاندایە و لەلایەن ئەو هێزانەوە دەپارێزرێت.

 

کازمى ئەمرۆ دەروازەى سنورى مونزیرییەى لەگەڵ ئێران بەسەرکردەوە، دواى پشکنینى لەلایەن هێزێکى سەربازى هاوبەشەوە.

 

بەپێی ڕاگەیاندنى دەستەى حەشدى شەعبى، کازمى هەروەها بە یاونەرى عومەر عەدنان سەرۆکى دەستەى دەروازە سنورییەکان، خاڵى سنورى مەندەلى کردووەتەوە، بۆ ئاڵوگۆڕى بازرگان لەگەڵ ئێران.