گه‌ڕان

Shadow Shadow
سیاسه‌تی

بەفەرمانى کازمى خاڵێکى سنورى لەگەڵ ئێران ڕادەستى هێزێکى سەربازى کرا

2020.07.10 - 22:25
بەفەرمانى کازمى خاڵێکى سنورى لەگەڵ ئێران ڕادەستى هێزێکى سەربازى کرا

ناس كورد-

 

بەفەرمانى مستەفا کازمى سەرۆکوەزیران و فەرماندەى گشتى هێزە چەکدارەکان، خاڵى سنورى مونزیریە لە پارێزگاى دیالە رادەستى هێزەکانى وەڵامدانەوەى خێرا کرا.

 

بەپێی بەیاننامەیەکى فەرماندەیی هێزەکانى وەڵامدانەوەى خێرا کە وێنەیەکى دەست ناس کورد کەوتووە، فیرقەى وەڵامدانەوەى خێرا بەفەرمانى مستەفا کازمى و سەرپەرشتى عوسمان غانمى وەزیرى ناوخۆ، کاروبارى دەروازەى سنورى مونزیریەیان لە پارێزگاى دیالە وەرگرتووە.

 

پێشتر ئەحمەد مەلا تەلال وتەبێژى سەرۆکوەزیرانى عێراق ڕایگەیاندبوو، دەوڵەت رێوشوێنى توند دەگرێتەبەر بۆ سەپاندنى یاسا لەخاڵە سنورییەکان.

 

دەستەى دەروازە سنورییەکان عێراق پێشتر پێشنیازێکى ئاڕاستەى کازمى کردبوو بۆ ناردنى هێزى ئەمنى بۆ بەرەنگاربوونەوە هەر دەستوەردانێکى دەرەکى.