گه‌ڕان

Shadow Shadow
سیاسه‌تی

هێشتا لەژێر کاریگەرى ئەو رووداوەدان

فەرماندەى هێزەکانى ئەمریکا باس لە دۆخى ئێران دەکات لەدواى کوژرانى قاسم سولەیمانى

2020.07.10 - 16:33
فەرماندەى هێزەکانى ئەمریکا باس لە دۆخى ئێران دەکات لەدواى کوژرانى قاسم سولەیمانى

ناس کورد-

فەرماندەى فەرماندەیی ناوەندى هێزەکانى ئەمریکا ڕایگەیاند، تواناکانى ئێران بۆ بڕیاردان روبەڕووى جۆرێک لە "فەوزا" بووەتەوە، دوا کوژرانى قاسم سولەیمان فەرماندە فایلەقى قودسى سوپاى پاسداران.

 

 

جەنەراڵ کینیس ماکینزى لە چاوپێکەوتنێکدا لەگەڵ ئاژانسى بلومبێرگ ئاماژەى بەوەکردووە، ئێران ئێستا درک بەوە دەکات کە کارێکى زۆر قورسە ئەگەر هێرشى ڕاستەوخۆ یان ناڕاستەوخۆ دژى ئەمریکا یان هاوپەیمانەکانى ئەنجام بدات.

 

ئەو چەک و هێزانەى لەبەردەست فەرماندییەکەى ماکنزیدان بە نزیکەى 6500 سەربازى ئەمریکى دادەنرێت لە عێراق لەکۆى نزیکەى 80 هەزار سەرباز لەناوچەکە، لەگەڵ بوونى فڕۆکەى "F-35" کە بە پێشکەوتوترین دادەنرێت لەجیهاندا.

 

ماکنزى جەختدەکاتەوە ئێران بیرى لە زیادکردنى هەژمونى خۆى کردبووەوە لە عێراق لەسەر حسابی ئەمریکا، تا ئەوکاتەى لە هێرشێکى پێشبینینەکراودا قاسم سولەیمانى کوژرا، ئەوەش هەوڵەکانى تارانى لە عێراق پەکخست.

 

هەروەها پێیوایە، ئێستا جۆرێک لە هێمنى هەیە لە ململانێ لەگەڵ تاران، ئەوەش دەگەڕێتەوە بۆ ئێرانییەکان بەوپێیەى "تا ئێستاش لەژێر کاریگەرى رووداوى کوژرانى سولەیمانیدان و خۆیان بەدورگرتووە لە گرتنەبەر هەنگاوى دیکە لە داهاتوودا".

 

قاسم سولەیمانى فەرماندەى فەیلەقى قودسى سوپاى پاسدارانى ئێران سەرەتاى ئەمساڵ لەگەڵ ئەبو مەهدى موهەندیس جێگرى سەرۆکى دەستەى حەشدى شەعبى بەهۆى هێرشێکى ئەمریکاوە لە نزیک فڕۆکەخانەى نێودەوڵەتى بەغدا کوژران.