گه‌ڕان

Shadow Shadow
سیاسه‌تی

چيتر ژنانى توركيا ئەردۆگانيان ناوێت.. ئاستى جەماوەریى بەرێژەيەكى بەرچاو دابەزيوە

2020.07.09 - 23:30
چيتر ژنانى توركيا ئەردۆگانيان ناوێت.. ئاستى جەماوەریى بەرێژەيەكى بەرچاو دابەزيوە

ناس کورد- 

 

بەپێى لێكۆڵينەوەيەكى نوێ ئاستى جەماوەرى ڕەجەب تەيب ئەردۆگان، سەرۆككۆمارى توركيا بەرێژەيەكى بەرچاو لەناو ژنانى ئەو وڵاتە دابەزيوە، ئەوەش دواى ئەوە ماوەى 18 ساڵى فەرمانڕەوايى پارتەكەى "ئاكەپە" پشتگيريان كردوە.

 

بەپێى لێكۆڵينەوەيەكى دامەزراوەى Gezici Research پشتگيرى ژنانى دەنگدەر بۆ پارتى داد و گەشەپێدان "ئاگەپە" دابەزيوە، لەناو ئەو ژنانەى تەمەنيان لەنێوان 50 بۆ 64 ساڵيدا پێشتر ئاستى جەماوەرى 53% بوو بەڵام لەئێستادا دابەزيوە بۆ 45.5%، ژنانى ئەو تەمەنەش لە توركيادا 21.3% ى دەنگدەران پێكدەهێنن.

 

هەر بەپێى لێكۆڵينەوەكە لە هەڵبژاردنى ساڵى 2018 ژمارەى ژنانى ماڵەوە كە دەنگيان بە حزبەكەى ئەردۆغان داوە 58% بووە ئەوەش لە نێوان تەمەنى 18 بۆ  75 ساڵى، بەڵام بەپێى ئاماژە نوێكان لەئێستادا دابەزيوە بۆ 48%.

 

ڕونيشكراوەتەوە، بەشێوەيەكى گشتى ئەو ژنانەى تەمەنيان لە نێوان 35 بۆ 49 ساڵە ڕێژەكە وەك خۆى ماوەتەوە ، بەڵام بەشێوەيەكى گشتى ژمارەى دەنگدەرانى حزبى دەسەڵاتدار لەناو ژناندا بەرێژەى 10% بۆ 15% دابەزيوە.

 

لاى خۆشيەوە "موراد جيزيجى" سەرۆكى دامەزراوەكە باسى لەوەكردوە، پێشبينى ئەوە دەكرێت كە هەڵسوكەوتنى ژنانى دەنگدەر لە هەڵبژاردنەكانى داهاتوودا بگۆڕدرێن بەرامبەر ئاكەپە، چونكە 54%ى ئەو ژنانەى پێشتر دەنگيان بەو پارتە داوە لە ژيانى خۆيان ڕازى نين.

 

ئەمەش لەكاتێكدايە، پێشتريش دامەزراوەى "ميترۆپۆڵ" بڵاويكردبوەوە، ژمارەى دەنگەكانى ئاكەپە بۆ پێنجەم مانگ لەسەر يەك پاشەكشە دەكات، لەبەرامبەريشدا ژمارەى دەنگى حزبە ئۆپۆزسيۆنە تەقليديەكان و ئەو حزبانەى لە ئاكەپە جيابونەتەوە لە زيادبوندايە.