گه‌ڕان

Shadow Shadow
سیاسه‌تی

پارێزگارى سلێمانى چەند بڕیارێکى دەرکرد ’وادەى دەستپێکردنەوەى دەوامى فەرمانگەکانى دیاريکرد’

2020.07.09 - 11:59
پارێزگارى سلێمانى چەند بڕیارێکى دەرکرد ’وادەى دەستپێکردنەوەى دەوامى فەرمانگەکانى دیاريکرد’

ناس کورد-

پارێزگارى سلێمانى چەند بڕیارێکى نوێى دەرکرد و رایگەیاند ، لە ڕۆژى یەکشەممەى داهاتوەوە دەوامى سەرجەمى فەرمانگە و بەڕێوەبەرایەتییەکان دەستپێدەکاتەوە.

 

د.هەڤاڵ ئەبوبەکر، پارێزگارى سلێمانى و  سەرۆکی لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆنا، لە راگەیەندراوێکدا چەند بڕیارێکى دەرکرد.

 

 لە بەشێکى بڕیارەکاندا ئاماژە بە دەستپێکردنەوەى دەوامى فەرمانگەکان کراوە و تیایدا هاتووە "لە ڕۆژی (یەکشەممە) (٢٠٢٠/٧/١٢)وە دەوامی فەرمیی گشت دامودەزگا حکومیەکان بەپێی بڕیارو مەرج و ڕێکارو ڕێنماییە تەندروستیی و خۆپارێزییەکانی پێشتر ڕاگەیەندراون، دەستپێدەکاتەوە".

 

هەروەها ئاماژە بەوە کراوە " هاتوچۆی ئۆتۆمبێل لە سەنتەری (ناوبازاڕی) شاری سلێمانیدا لە ڕۆژی (٢٠٢٠/٧/١٢)وە بەپێی ڕێکارو ڕێنماییە تەندروستیی و کارگێڕیی و ئارامییەکان ئاسایی دەکرێتەوە".