گه‌ڕان

Shadow Shadow
سیاسه‌تی

بەرپرسانى تەندروستى: ئامارەکانى گیانلەدەستدان بە کۆرۆنا لە سلێمانى کەمى کردووە

2020.07.08 - 18:55
بەرپرسانى تەندروستى: ئامارەکانى گیانلەدەستدان بە کۆرۆنا لە سلێمانى کەمى کردووە

ناس کورد-

جێگرى بەڕێوەبەرى گشتى تەندروستى سلێمانى سوپاسى پابەندبوونى هاووڵاتیانى شارى سلێمانى دەکات بە ڕێنماییە خۆپارێزییەکان و ئاشکراى کرد " ئامارەکانى گیانلەدەستدان بە کۆرۆنا لە سلێمانى کەمى کردووە".

 

عەبدوڵا ئەحمەد، جێگرى بەڕێوەبەرى گشتى تەندروستى سلێمانى و سەرۆکی لیژنەی بەخاکسپاردنی قوربانیانی کۆرۆنا لە سلێمانی لە هەژمارى خۆى لە فەیسبوک ئاماژەى بەوە کرد "سوپاس بۆ خوا پابەندبوونتان بە رێنماییە خۆپارێزییەکان ئامارەکانی کۆرۆنای لە سلێمانی کەمتر کردوەتەوە".

 

سەرۆکی لیژنەی بەخاکسپاردنی قوربانیانی کۆرۆنا لە سلێمانی، رونیکردەوە "ئەمرۆ لە شاری سلێمانی دوو کەس بە کۆرۆنا گیانیان لە دەستداوە کەسێکیان خەڵکی ناو شاری سلێمانیە و ئەوی دیکەشیان خەڵکی رانیەیە."

 

جێگرى بەڕێوەبەرى گشتى تەندروستى سلێمانى تکا لە هاووڵاتیان دەکات کە پابەندبن بە خۆپارێزییەوە.

 

هەر ئەمڕۆ (چوارشەممە) وەزارەتى تەندروستى عێراق ئامارى 24 کاتژمێرى رابردووى شارەکانى عێراقى تایبەت بە ڤایرۆسى کۆرۆنا بڵاوکردەوە و بەگوێرەى راگەیەندراوەکەى وەزارەتى تەندروستى عێراق لە 24 کاتژمێرى رابردوو لە شارى سلێمانى 284 توشبووى نوێى کۆرۆنا تۆمارکراوە و 10 توشبووش چاکبوونەتەوە.