گه‌ڕان

Shadow Shadow
سیاسه‌تی

’’كتێبەكە مشتومڕی زۆری دروستكردووە’’

برازایەكی دۆناڵد ترەمپ لە كتبێیكدا ’’ئابڕوچوونەکانی’’ ڕابردوو و ئێستای مامی ئاشكرا دەكات

2020.07.08 - 09:26
برازایەكی دۆناڵد ترەمپ لە كتبێیكدا ’’ئابڕوچوونەکانی’’ ڕابردوو و ئێستای مامی ئاشكرا دەكات

ناس کورد-

ئاژانسی ئاسۆشیەیتد پرێس بڵاویكردەوە، كچێكی برازی دۆناڵد ترەمپی سەرۆکى ئەمریكا كتێبێكی ئامادە كردووە لەسەر كۆمەڵێك پرسی تایبەت بە مامیەوە وەكو سەرۆكی وڵات، پێش بڵاوكردنەوەی بە بومەلەرزەیەك لە كارەسات لەدژی تڕەمپ وەسفدەكرێت، نوسەری كتێبەكە دەشڵێت ئەوەی ئەو دۆخەی لە ئەمریكا خوڵقاندوە تەنها ئەو كەسە كە ترەمپە دەتوانێت بەرپرسیارێیتیەكەی هەڵبگرێت.

 

ماری ئیل ترەمپ پەتای كۆرۆنا و داکشانی ئابوری و پەرتبوونی كۆمەڵایەتی دوای خۆپیشاندانەكان لەدژی ڕەگەزپەرستی بەخراپترین شوێنەواری نەخۆشییەكانی دۆناڵد ترەمپ دەزانێت، بەتایبەت پێشتر كە وڵات لەڕووی ئابورییەوە جێگیرتر بووە ئەوە كەمتر ڕوونبووەتەوە.

 

ماری كچی جۆنیو ترەمپی برا گەورەی ترەمپە و بڕوانامەی دكتۆرای لە دەروونناسیدا هەیە.

 

برازاكەی ترەمپ نوسیوویەتی، ئەو هۆكارانەش بەلایەك بەڵام تڕەمپ جوداخوازی و پەرتكردن و نادڵنیاییەكی لەسەر ئایندەی ئەمریكی ورژواندووە و گەردەلولێكی لە كارەسات دروستكردووە، كەس نییە كەمترین بەرپرسیارێتی ئەو دۆخە بگرێتە ئەستۆی خۆی وەكو مامی.

 

ڕۆبرت كە برای ترەمپە هەوڵێكی دا ئەو كتێبە بڵاو نەكرێتەوە بەڵام هەوڵەكانی شكستیان هێنا.

 

بەپێی ئاژانسەكە، كتێبەكە كە كۆپی یەكەمی وابڕیارە هەفتەی داهاتوو بڵاوبكرێتەوە سێ ناونیشانی سەرەكی لەخۆ گرتووە، "زۆر زۆرە و ئیدی بەسیش نییە، چۆن خێزانەكەم مەترسیدارترین پیاوی لە جیهاندا پەروەردە كرد..؟"

 

ڕۆبرت ترەمپ مشتومڕەكەی لەسەر ئەوەیە، لەڕووی یاساییەوە ماری پابەندی ئەوە بووە بۆ ماوەی 20 ساڵ هیچ زانیارییەك لەسەر ئەندامانی خێزانە سیاسیەكەیان بەبێ ڕەزامەندی خۆیان بڵاونەكاتەوە.

 

بەڵام چاپخانەی (سایمۆن ئاند شۆستەر) كە كتێبەكەی چاپكردووە ڕایگەیاندووە، ئەوان ئاگاداری هیچ ڕێكەوتنێكی خێزانی نەبوون تا چەند هەفتەیەك تێپەڕین و ئەوەش بەشێك نەبووە لەهیچ ڕێكەوتنێكیان لەگەڵ نوسەرەكەدا بۆیە 75 هەزار كۆپییان ڕەوانەی کتێبخانەکان كردووە.

 

هەر بەپێی ئاژانسەكە هەفتەی ڕابردوو دادوەری تێهەڵچوونەوەی نیویۆرك داوایەكی بەرزكردووەتەوە بۆ ڕاگرتنی بڵاو كردنەوەی كتبێەكە بۆ ماوەیەكی كورت.

 

ماری لە كتێبەكەیدا نوسیوویەتی، ئاڵنگەرییەكانی ئێستا پەلوپۆی سەرۆكە هۆگربووەكە بەمادەی بێهۆشكەرەوە شكاندووە بۆ بەرگریكردن لە سەرزنشتكردنی.

 

بەپێی تۆڕی هەواڵی سی ئێن ئێن، ڕوبەڕووی ڕەخنەی زۆر كراوەتەوە تیایدا بۆ نمونە جارێكیان پارەی بەكەسێك داوە بۆ ئەوەی بچێت تاقیكردنەوەی SAT لەبری ئەو لە زانكۆی پنسلڤانیا بكات.

 

ئاسۆشییەتدپرێس دەشڵێت، كۆشكی سپی ڕەتكردووەتەوە هیچ لێدوانێک لەسەر ئەو كتێبە بدات.