گه‌ڕان

Shadow Shadow
سیاسه‌تی

مەزڵوم عەبدی: لەگەڵ ڕوسیا ڕێککەوتین لەسەر چەند پرسێک

2020.07.07 - 22:13
مەزڵوم عەبدی: لەگەڵ ڕوسیا ڕێککەوتین لەسەر چەند پرسێک

ناس کورد-

مەزڵوم عەبدی، فەرماندەی گشتیی هێزەکانی سوریای دیموکرات ڕایگەیاند، لەسەر چەند پرسێک گفتوگۆیان لەگەڵ فەرماندەى سوپای ڕوسیا لە سوریا کردووە و لەسەر کاری هاوبەش و هەماهەنگی ڕێککەوتوون.

 

ئەمڕۆ سێشەممە، 7ی تەموزی 2020، عەبدی لە تویتێكدا ڕایگەیاند: "پێشوازیم لە ئەلێکسەندەر چایکۆ، فەرماندەی گشتیی هێزەکانی ڕوسیا لە سوریا کرد و لەسەر چەند پرسێک گفتوگۆمان کرد."

 

ئاماژەی بەوەشکرد: "یەکێک لە پرسەکان  پێشێلکردنی ڕێککەوتنی 23ی تشرینی یەکەم بوو لەلایەن تورکیاوە، هەروەها تیرۆرکردنی سێ چالاکی کوردی لە کۆبانی."

 

فەرماندەی گشتیی هەسەدە ئەوەشی خستووەتەڕوو: "هەروەها لەسەر بەرزکردنی ئاستی هەماهەنگی و کاری هاوبەش ڕێککەوتین و سوپاسمان کردن لە بەرانبەر وەڵامدانەوەیان بۆ کارکردن لەسەر بەرەنگاربوونەوەی ئاڵنگارییەکان."