گه‌ڕان

Shadow Shadow
سیاسه‌تی

لە شەڕی نێوان دوو کەسدا لە هەولێر ناوبژیوانەکە کوژرا

2020.07.07 - 16:26
لە شەڕی نێوان دوو کەسدا لە هەولێر ناوبژیوانەکە کوژرا

ناس کورد-

لە شارۆچکەی بنەسڵاوەی سەربە شاری هەولێر، لە شەڕە تەقەی نێوان دوو کەسدا ناوبژیکەرێک کوژرا و هەردوو تەقەکەرەکەش دەستگیرکران.

 

لە ڕاگەیەندراوێکدا بەڕێوەبەرایەتی پۆلیسی هەولێر ڕایگەیاند: "دوای ئەوەی لە بوونی حاڵەتێكی دەمەقاڵی و شەڕەتەقە و كوژرانی هاوڵاتییەك لە شارۆچكەی بنەسڵاوە ئاگاداركراینەوە، دەستبەجێ تیمێكی لێكۆڵینەوەیان پێكهێنا و پاش نیو كاتژمێر دوو تۆمەتباریان بە ناوەكانی (ح.ع.ئـ) و (م.س.ئـ) دەستگیر كرد".

 

ئاماژەی بەوەشكردووە: "تۆمەتباران دانیان نا بە تاوانەكەیاندا، كە لەسەر كێشەیەك بەشەڕهاتوون و دواتر تەقەیان كردووە، لە كاتی تەقەكردنەكەشدا كەسێك بە ناوی (مەجید بەكر عەبدولكەریم) ویستوویەتی ناوبژیوانییان بكات، بەڵام گوللـەیەك بەر سكی كەوتووە و گیانی لە دەست داوە".

 

ئەوەشخراوەتەڕوو، تۆمەتباران بەپێی ماددە (405) لە یاسای سزادان، بەند كراون و رووبەڕووی یاسا كراونەتەوە.