گه‌ڕان

Shadow Shadow
سیاسه‌تی

ئەنجومەنى زێڕى جیهانى:8 دەوڵەت و رێکخراوێک زیاتر لە 1000 تۆن زێڕى یەدەکیان هەیە 

2020.07.07 - 14:08
ئەنجومەنى زێڕى جیهانى:8 دەوڵەت و رێکخراوێک زیاتر لە 1000 تۆن زێڕى یەدەکیان هەیە 

ناس کورد-

ئەنجومەنی زێری جیهانی  ئاشکراى کرد، هەشت وڵات لە جیهاندا زیاتر لە هەزارتۆن یەدەکی زێڕیان هەیە. 

 

ئەمڕۆ (سێشەممە، 7ی تەموزی2020)، ئەنجومەنی زێری جیهانی ڕایگەیاند "هەشت وڵات زیاترلە هەزار تۆن یەدەکی زێڕیان هەیە و یەکێتی ئەوروپاش لە 60%ی یەدەکی زێری جیهانیان لایە.

 

بەگوێرەی داتاکانی مانگی تەموزی ئەنجومەنەکە، ئەمریکا یەکەمی ڕیزبەندی وڵاتانی جیهانە لەیەدەکی زێردا کە هەشت تۆن و133 کیلۆزێری یەدەکی هەیە، وڵاتی ئەڵمانیاش بەپلەی دووەم دێت سێ تۆن و 363 کیلۆ زێری یەدەکی هەیە، بەپلەی سێهەم سندوقی دراوی نێودەوڵەتی دێت  کە دوو تۆن و814 کیلۆ زێره".

 

ئاماژە بەوەشکراوە، وڵاتی ئیتاڵیا بەپلەی چوارەم دێت دووتۆن و 451 کیلۆ زێری یەدەکی هەیە، فەرەنسا بەپلەی پێنجەم دوو تۆن 436 کیلۆ، ڕوسیا بەپلەی شەشەم کە لە ئێستادا دوو تۆن و 299 کیلۆ زێری یەدەکی هەیە، وڵاتی چین بەپلەی حەوتەم دێت لەسەر ئاستی جیهان کە لە ئێستادا هەزار تۆن و 949 کیلۆ زێری هەیە، وڵاتی سویسرا پلەی هەشتەمی هەیە لە ڕیزبەندییە جیهانییەکە و لە ئێستادا هەزار تۆن و 40 کیلۆ یەدەکی زێری هەیە.

 

داتاکانی ئەنجومەنی زێری جیهانی ئەوەشی خستوەتە ڕوو "وڵاتانی یەکێتی ئەوروپا (ناوچەی یورۆ) لەئێستادا لە 60%ی یەدەکی زێری جیهانیان لەلایە کە دەکاتە دە تۆن و 773 کیلۆ زێر.