گه‌ڕان

Shadow Shadow
سیاسه‌تی

ئامارێکى پێوانەیی مردن بە کۆرۆنا لە ئێران تۆمارکرا

2020.07.07 - 13:47
ئامارێکى پێوانەیی مردن بە کۆرۆنا لە ئێران تۆمارکرا

ناس کورد-

وەزارەتى تەندروستى ئێران گیانلەدەستدانى 200 توشبووى ڤایرۆسى کۆرۆناى ڕاگەیاند لەماوەى 24 کاتژمێرى ڕابردوودا، کە بەرزترین ئامارى رۆژانەیە.

بەپێی ئامارێکى وەزارەتەکە کە ئەمڕۆ (سێشەممە) بڵاویکردەوە، لەماوەى 24 کاتژمێرى ڕابردوودا 200 حاڵەتى گیانلەدەستدان و2637 توشبووى نوێی کۆرۆنا تۆمارکراوە.

 

ماوەى چەند رۆژێکە ئامارەکانى گیانلەدەستدان بە کۆرۆنا لە ئێران رۆژ بە رۆژ زیاتر بەرزدەبێتەوە، لەگەڵ ئامارى توشبوون بەو ڤایرۆسە.

 

بەرزبوونەوەى ئامارەکان دواى سوککردنى رێوشوێنەکان دێت لەلایەن دەسەڵاتدارانەوە، لەگەڵ ئەوەشدا حکومەت  بەستنى دەمامکى لە شوێنە گشتییەکان کردووەتە بڕیار و جەختیکردووەتەوە کە پێویستە هاوڵاتیان پێوەى پابەندبن.