گه‌ڕان

Shadow Shadow
سیاسه‌تی

هۆکارەکان چین؟

نەوت رووى لە دابەزین کردەوە

2020.07.07 - 11:41
نەوت رووى لە دابەزین کردەوە

ناس کورد-

لەگەڵ زیادبوونى ترس لە داکشانى خواست لەسەرى بەهۆى بەرزبوونەوەى ئامارى توشبوون بە ڤایرۆسى کۆرۆنا بەتایبەت لە ئەمریکا، نرخى نەوت رووى لە دابەزین کرد. 

 

بەپێی ئاژانسى رۆیتەرز، نرخى گرێبەستە دواخراوەکانى نەوتى خۆرئاواى تەکساس 54 سەنت دابەزیوە و بە 40.09 دۆلار بۆ هەر بەرمیلێک مامەڵەى پێوە کراوە.

 

هەروەها نرخى نەوتى برێنت کە پێوەرێکى جیهانییە 56 سەنت دابەزیوە و بە 42.54 دۆلار بۆ هەر بەرمیلێک مامەڵەى پێوەکراوە.

 

بەپێی ئامارێکى رۆیتەرز، 16 ویلایەتى ئەمریکا زیادبوونى پێوانەیی توشبوونیان بە کۆرۆنا ڕاگەیاندووە لەپێنج رۆژى یەکەمى ئەم مانگەدا، ئەوەش ترسى دروستکردووە لەبارەى ئەوەى گرتنەبەرى رێوشوێنى تەندروستى بۆ خۆپاراستن خواست لەسەر نەوت کەمبکاتەوە لە گەورەترین وڵاتى بەکاربەرى نەوت لەجیهاندا.

 

مايكل مكارسی گەورە شیکەرەوەى بازاڕ لە دامەزراوەى سى.ئێم.سى ماركتس لەسيدنى دەڵێت "ئەگەرى داڕوخانى خواست بەهۆى زیادبوونى پێشبینییەکان بۆ دوبارە سەپاندنەوەى قەدەغەى گشتى لەگەڵ ترس لە پابەندبوون بە رێککەوتنى ئۆپیک پڵەس، فشار لەسەر نرخى نەوت دروستدەکەن".

 

شەپۆلى نوێی توشبوون بە کۆرۆنا هەروەها ناوچەى دیکەى لەجیهان گرتووەتەوە وەکو ئوستورالیا.

 

بانکى ئی.ئێن.زدى ئوسترالى دەڵێت، خواست لەسەر گەشتى هاوینە لاوازە لە ئەمریکا، ئەوەش خواستى لەسەر وزە بە نزمى هێشتوەتەوە، دوبارە سەپاندنەوەى رێوشوێنەکانیش هۆکارێکى سەرەکییە.

 

بەپێی راپرسییەکى رۆیتەرز، شەش شیکەرەوە پێشبینیان کردووە ئامارەکانى پەیمانگاى وزەى ئەمریکا بەرزبوونەوەى ئاستى کۆگاکردنى بەنزین نیشابدەن بەبڕى  100 هەزار بەرمیل.