گه‌ڕان

Shadow Shadow
سیاسه‌تی

عێراق پرۆسەی خوێندنی ساڵی نوێی تاوتوێ دەكات خوێندن بەسیستمی ئۆنلاین ئەگەرێكە

2020.07.06 - 15:20
عێراق پرۆسەی خوێندنی ساڵی نوێی تاوتوێ دەكات  خوێندن بەسیستمی ئۆنلاین ئەگەرێكە

ناس کورد- 

ئەندامێكی لیژنەی پەروەردە و فێركردن لەپەرمانی عێراق ڕایدەگەیەنێت، ناتوانن پلانێكی دیاریكراو بۆ دەستپێكردنەوەی ساڵی نوێی خوێندن دابنێن و ناشزانن بەچ سیستمێك دەستپێدەكەن.

 

ڕەعد مەكسوسی، ئەندامی لیژنەی پەروەردە و فێركردن لەپەرلەمانی عێراق ڕایگەیاندووە، گەر قەدەغەی هاتووچۆ بەردەوام بێت بەپێی ڕێنمایەكانی خانەی قەیرانەكان، ئەوا  بۆ خوێندنی ساڵی داهاتوو پشت بە خوێندنی ئۆنڵاین دەبەسترێت، یاخود دوادەخرێت تا ئەوكاتەی ڕێنمای نوێ دەردەكرێت.

 

مەكسوسی جەختیشی لەسەر ئەوە كردووەتەوە، ڕووداوەكانی داهاتوو خوێندنی ساڵی ئایندە دیاری دەكەن و ئیستا ناتوانن پلانێك بۆ ئەوكاتە دابنێن.

 

وتووشیەتی، كاتی تاقی كردنەوەكان كە لەلایەن وەزارەتی پەروەردەوە دیاریكرا زیاتر لەجارێك بەهۆی بارودۆخی تەندروستییەوە گۆڕانكاری بەسەردا هات و بێ زانینی بارودۆخی تەندروستی ناتوانن پلانێكی یەكلاكەرەوە دابنێن.

 

لای خۆشیەوە حەیدەر فاروق، وتەبێژی وەزارەتی پەروەردە و فێركردن ڕایگەیاندووە، وەزارەتەكەیان بۆ خوێندنی نوێی ساڵی داهاتوو بەرچاوی ڕوون نییە

 

ئاماژەی بۆ ئەوەش كردووە، سەختە بەتەنها پشت بە خوێندنی ئۆنلاین ببەستن، بەهۆی جیاوازی تەمەنی خوێندكاران، لەگەڵ ئەوەشدا پێدەچێت بۆ ساڵی داهاتوو بەو سیستمە دەستپێبكەن.

 

وتەبێژەكەی وەزارتی پەروەردە ئەوەشی خستووەتەڕوو، دوای كۆتاییهاتنی قەیرانی كۆرۆنا دەتوانن بڕیارێك لەبارەی چارەنوسی خوێندنی ساڵی داهاتووەوە دەربكەن.