گه‌ڕان

Shadow Shadow
سیاسه‌تی

ئامارێکى نوێی پێوانەیی گیانلەدەستدان بەهۆى کۆرۆناوە لە ئێران تۆمارکرا

2020.07.05 - 22:57
ئامارێکى نوێی پێوانەیی گیانلەدەستدان بەهۆى کۆرۆناوە لە ئێران تۆمارکرا

ناس کورد-

دەسەڵاتدارانى پزیشکى ئێران تۆمارکردنى بەرزترین ئامارى گیانلەدەستدانیان بە ڤایرۆسى کۆرۆنا ڕاگەیاند، لەو کاتەوە کە ڤایرۆسەکە لەو وڵاتە بڵاوبووەتەوە.

 

بەپێی ئامارەکە، لە ماوەى 24 کاتژمێرى ڕابردوودا، 163 توشبووى کۆرۆنا گیانیان لەدەستداوە، بەوەش کۆى گشتى ئامارەکە بۆ زیاتر لە 11 هەزار حاڵەتى گیانلەدەستدان بەرزبووەتەوە.

 

ئەوە بەرزترین ئامارى گیانلەدەستدانە بە کۆرۆنا لە ئێران لەماوەى رۆژێکدا.

 

بەوتەى ئامارى فەرمى وەزارەتى تەندروستى ئێران، هەروەها نزیکەى 2500 حاڵەتى نوێی توشبوون بە کۆرۆنا تۆمارکراوە، بەوەش کۆى گشتى ئامارى توشبووان بۆ نزیکەى 240 هەزار توشبوو بەرزبووەتەوە.

 

ژمارەى توشبوون و گیانلەدەستدان چەند هەفتەیەکە بەڕێژەیەکى بەرچاو لەئێران رووى لەبەرزبوونەوە کرد، دواى هەڵگرتنى قۆناغبەندى رێوشوێنەکانى بەرەنگاربوونەوەى کۆرۆنا کە لە ناوەڕاستى نیسانەوە دەست بە سەپاندنیان کرا.  

  

بەرپرسانى باڵاى ئەو وڵاتە هۆشداریانداوە کە دوبارە رێوشوێنەکان دەسەپێننەوە، ئەگەر خەڵک پابەند نەبێت بە رێنماییە تەندروستییەکانەوە.  

  

وەزارەتى تەندروستى ئێران هەشت پارێزگاى وڵاتەکەى خستووەتە بازنەى سورى بڵاوبوونەوەى ڤایرۆسەکەوە.