گه‌ڕان

Shadow Shadow
سیاسه‌تی

سەرایا سەلام بارەگایەكی خۆی بەخشیە تەندروستی

كازمی بۆ وەزارەتی تەندروستی: هەوڵەكانتان بۆ قەڵاچۆكردنی پەتاكە چڕبكەنەوە

2020.07.05 - 21:13
كازمی بۆ وەزارەتی تەندروستی: هەوڵەكانتان بۆ قەڵاچۆكردنی پەتاكە چڕبكەنەوە

ناس کورد- 

لەڕێوڕەسمی كردنەوەی نەخۆشخانەیەكی تایبەت بەكۆرۆنا كە بارەگای سەرایا سەلامی سەر بەسەدر بوو و بەخشرایە وەزارەتی تەندروستی، كازمی داوای لەوەزارەتی تەندروستی كرد هەوڵەكانیان بۆ كۆنترۆڵكردنی پەتاكە چڕ بكەنەوە. 

 

لەڕاگەیەنراوێكدا نوسینگەی ڕاگەیاندنی مستەفا كازمی، سەرۆكوەزیرانی عێراق ڕایگەیاند، ئەمڕۆ (یەكشەممە، 5ی حوزەیرانی 2020)، كازمی نەخۆشخانەیەكی کردۆتەوە كە بیناكەی لەلایەن سەرایا سەلامەوە لەگەڕەكی سەدری بەغدا تایبەت كراوە بە توشبووانی ڤایرۆسی كۆرۆنا.

 

بەگوێرەى راگەیەندراوەکە، كازمی سەرجەم بەشەكانی بەسەر كردووەتەوە و دەستخۆشی كردووە كە لەكەشێكی سەختی وڵاتدا نەخۆشخانەیەكی لەو شێوەیە دامەزراوە و تەرخانكراوە بۆ ڕوبەڕووبونەوەی پەتاكە كە یارمەتی سوكکردنی باروگوزەرانی سەختی هاووڵاتیان دەدات.

 

كازمی سوپاسی هاریكارییەكانی گەڕەكی سەدری كردووە كەپێشكەشی وەزارەتی تەندروستییان كردووە و وتووشیەتی " بەختەوەرەم خۆم لەنێو خەڵك و خۆشەویستمانم و هاوڕێیانم لەگەڕەكی سەدر دەبینمەوە" 

 

سەرۆكوەزیرانی عێراق لای خۆشیەوە سوپاسی سەرایا سەلامی كردووە كە هەستاون بە دروستكردنی نەخۆشخانەیەك و خستنە خزمەتی هاوڵاتیانەوە و سوپاسی موقتەدا سەدری كردووە كە فەرمانی كردووە یەكێك لەبارەگاكانی سەرایا سەلام بكرێتە نەخۆشخانەی تایبەت بەتوشبووانی كۆرۆنا.

 

كازمی داواشی لەوەزارەتی تەندروستی و ژینگە كردووە پاڵپشتی هەر جۆرە دەستپێشكەرییەكی لەو شێوەیە بكەن و هەوڵەكانیشیان بۆ كۆنترۆڵكردنی پەتاكە بخەنە گەڕ.



لای خۆشیەوە، وەزیری تەندروستی باسی وردەكارییەكانی نەخۆشخانەكەی كردووە كە دەتوانرێت زیاتر لەسێسەد قەرەوێڵەی تێدا دابنرێت لەگەڵ چاودێری ورد و چەند بەشێكی پێویستی تر لەگەڵ دابینكردنی پێداویستیە پزیشكیەكانی لەلایەن وەزارەتەكەیانەوە.