گه‌ڕان

Shadow Shadow
سیاسه‌تی

پێكهێنانى حكومه‌ت له‌ قۆناغى كۆتاییدایه

قوباد تاڵه‌بانى: هەموو لایەنەکان دەگەنە ڕێککەوتن

2019.04.17 - 18:38
قوباد تاڵه‌بانى: هەموو لایەنەکان دەگەنە ڕێککەوتن

ناس كورد-

.

جێگرى سه‌رۆكی ئەنجومەنی وه‌زیرانى هه‌رێمى كوردستان ڕایگه‌یاند، پڕۆسەی سیاسی ھەرێمی کوردستان بەرەو پێشەوە دەچێت و لەکۆتایی قۆناغی پێکھێنانی حکومەتدان.

.

قوباد تاڵەبانی، جێگرى سه‌رۆكی ئەنجومەنی وه‌زیرانى هه‌رێمى كوردستان له‌میانى به‌شداریكردنى له‌ مەراسیمی پەردەلادان له‌سه‌ر پەیکەری شەھید کارزان و ھاوڕێکانی لە سلێمانی، بە ڕۆژنامەنووسانی ڕایگه‌یاند، "پڕۆسەی سیاسی له‌ ھەرێمی کوردستان ده‌رباره‌ى پێكهێنانى حكومه‌ت بەرەو پێشەوە دەچێت، و ئێستاش لەکۆتایی قۆناغی پێکھێنانی حکومەتداین".

.

جێگرى سه‌رۆك وه‌زیرانى هه‌رێمى كوردستان وتیشی: "پێموایە کە حکومەتی داھاتووی ھەرێم پێکھات دەتوانێت درێژەپێدەری کارەکانی کابینەکانی پێشووتر بێت".

.

ئه‌وه‌شی خسته‌ڕوو، "رێکەوتن لەنێوان یەکێتی نیشتمانى كوردستان  و پارتی دیموكراتى كوردستان و بزوتنه‌وه‌ى گۆڕان-دا ھەیە و پێموایە ھەموو لایەک دەگەنە رێککەوتن".

.

ئەوەش لە کاتێکدایە نزیکەی 200 ڕۆژ بەسەر هەڵبژاردنەکانی هەرێمی کوردستاندا تێپەڕیووە و تا ئێستا لایەنە سیاسییەکان نەیەگیشتوونەتە ڕێککەوتنی کۆتایی بۆ پێکهێنانی کابینەی نۆیەمی حکومەتی هەرێمی کوردستان.

.

.