گه‌ڕان

Shadow Shadow
سیاسه‌تی

بکوژەکە هەڵهاتووە و دەستگیر نەکراوە

ناس کورد وردەکارى کوژرانى گەنجێک لەبەردەم دادگاى زاخۆ بڵاودەکاتەوە

2020.07.05 - 18:35
ناس کورد وردەکارى کوژرانى گەنجێک لەبەردەم دادگاى زاخۆ بڵاودەکاتەوە

ناس کورد- محەمەد عومەر  

لەکاتى بردنى دەستگیرکراوێک بۆ بەردەم دادگا و بەر لەوەى بگاتە ناو باڵەخانەى دادگاى زاخۆ لەلایەن سکاڵاکارەوە دەستگیرکراوەکە دەکوژرێت و سێ فیشەکى پێوە دەنێت و هەڵدێت و تا ئێستاش بکوژ دەستگیرنەکراوە.

 

 

لە میانەى ئەنجامدانى کۆنگرەیەکى رۆژنامەوانیدا کە پەیامنێرى ناس کورد ئامادەى بوو، مقەدەم  هێمن سلێمان، وتەبێژی پۆلیسی پارێزگای دهۆک رایگەیاند " ئەمڕۆ کاتژمێر 1:00ى نیوەڕۆ گەنجێک بەناوی"ئ. م"  لەلایەن کەسێکەوە  کە ناوی " خ. ح" بوو بە چەک لەبەردەم دادگای زاخۆ بە سێ فیشەک کوژرا".

 

 

هێمن سلێمان ئاماژەى بەوە کرد، کوژراوەکە قەرزاری بکوژەکە بووە و ماوەیەک بوو لەلایەن پۆلیسەوە لەسەر کۆمەڵێک لەم کەیسانە دەستبەسەر کرابوو و ئەمڕۆ بڕیار بوو لە دادگا ئامادەبێت لەبەردەم دادوەری لێکۆڵینەوە.

 

وتەبێژى پۆلیسى دهۆک رونیکردەوە کە بکوژەکە لەدواى رووداوەکە هەڵهاتووە و هێشتا دەستگیرنەکراوە بەڵام دڵنیایى ئەوەیدا کە ناسنامەى بکوژەکە ئاشکرایە و بەبڕیاری دادوەری لێکۆڵینەوە بەپێی بەندی 406 لە یاسای سزادانی عێراقی پەڕەی لێکۆڵینەوەى بۆ کراوەتەوە و گەڕان بە شوێن دەستگیرکردنى بەردەوامە.

 

ناس کورد زانیویەتى بکوژەکە سەر بە عەشیرەتى میرانییە و هیچ خزمایەتى و نزیکایەتییەکى لەگەڵ بەرپرسێکى باڵاى پارتى نییە کە لە بەشێک لە میدیا و تۆڕە کۆمەڵایەتییەکان باس دەکرێت.

 

هاوکات بەپێى زانیارییەکانى ناس کورد  کوژراوەکە بازرگانى مۆبایل بووە و بڕى 750000دۆلار قەرزاری بکوژەکە بووە .