گه‌ڕان

Shadow Shadow
سیاسه‌تی

زەریف ’’بەمزوانە’’ سەردانی عێراق دەکات بەڵام تەوەرەکانی گفتوگۆ نادیارن

2020.07.05 - 10:43
زەریف ’’بەمزوانە’’ سەردانی عێراق دەکات بەڵام تەوەرەکانی گفتوگۆ نادیارن

ناس کورد-

محەمەد جەواد زەریف، وەزیری دەرەوەى ئێران ڕایگەیاند، لە چەند ڕۆژی داهاتوودا سەردانی عێراق دەکات بەڵام باسی لە هیچ تەوەریک نەکرد کە بڕیارە لەگەڵ بەرپرسانی عێراق باسی بکات.

 

لە میانی بەشداربوونی لە دانیشتنی پەرلەمانی عێراقدا، زەریف ڕایگەیاند، "پێویستە ئێران لە ناوچە هەوڵی ئاسایش و سەقامگیری بدات و پەیوەندییەکانی لەگەڵ دراوسێکانی باشتر بکات، ئێمە دەبێت سیاسەتی دراوسێیەتی پەیڕەو بکەین و پێویستە دراوسێکانمان هەست بکەن باشترین پەیوەندییان لەگەڵ ئێران هەیە."

 

وتیشی، "ئەگەر ئێستا گەشت ناکەم لەبەرئەوەیە کە وڵاتان ئامادە نین میوانداریمان لێ بکەن بەهۆی بڵاوبوونەوەى کۆرۆنا، هەرچەندە چەند سەردانێکم کردووە بۆ سوریا و تورکیا و ڕوسیا، لە چەند ڕۆژی داهاتوودا سەردانی عێراق دەکەم."

 

وتیشی، هەموو ڕۆژێک لە هەوڵی واژۆکردنی چەند لێکتێگەشتنێکن لەگەڵ وڵاتانی دراوسێی لەبارەى پاراستنی سنورەکانی تورکیا، عێراق، ئەرمەنستان، ئازرباینجان، ئەفغانستان و پاکستان، هەروەها لەگەڵ ئیمارات و عومان و کوەیت و قەتەر.

 

پێشتر فواد حسێن، وەزیری دەرەوەى عێراق ڕایگەیاند، بڕیارە مستەفا کازمی سەردانی ئەمریکا بکات و خۆشی لەگەڵ شاندێکدا سەردانی تاران بکات بۆ تاوتوێکردنی پەیوەندییەکانی هەردوولا.