گه‌ڕان

Shadow Shadow
سیاسه‌تی

ترامپ: ئەمريكا نمونەييترين و دادپەروەرترين وڵاتە لە جیهاندا

2020.07.04 - 22:54
ترامپ: ئەمريكا نمونەييترين و دادپەروەرترين وڵاتە لە جیهاندا

ناس کورد-

دۆناڵد ترامپ، سەرۆكى ولايەتە يەكگرتوەكانى ئەمريكا دەڵێت، ئەمريكا دادپەروەرترين وڵاتە لەسەر زەويدا، شكاندنى پەيكەرەكانى وڵاتەكەشى بە هەوڵدان بۆ سڕينەوەى مێژووى ئەمريكا وەسف دەكات.

 

دۆناڵد ترامپ لە وتەيەكدا لە شاخى "ڕاشمور" کە لە ولايەتى داكوتاى باشورە و سەرى چوار لە سەرۆكەكانى پێشووى ئەمريكاى لێ هەڵكەنراوە و لەكاتى يادى سەربەخۆيى ئەو وڵاتە كە 4\7ى هەموو ساڵێكە، وتى: "بابەتى خستن و شكاندنى پەيكەرى جەنراڵەكانى كۆنفيدراڵى لەكاتى خۆپيشاندانەكانى دژى ڕەگەزپەرستى، هەڵمەتێكە بۆ سڕينەوەى مێژوو و بەهەمان و ئايدۆلۆژياى منداڵەكانمان."

 

ترامپ  ئيدانەى ئەو توندوتيژى و ئاژاوەيەشى كرد لەم كاتەدا كە ڤايرۆسى كۆرۆناى نوێ COVID-19 بڵاوبوەتەوە لە وڵاتەكەى ڕوودەدات.

 

رونيشيكردەوە: "ڕاستيەكە وەك خۆى دەڵێين بەبێ ئەوەى داواى لێبوردن بكەين، ولايەتە يەكگرتوەكانى ئەمريكا دادپەروەرترين و نمونەيیترين وڵاتە لەسەر زەويدا."

 

سەرۆكى ولايەتە يەكگرتوەكانى ئەمريكا دەشڵێت: "ئەو توندوتيژيەى لە شەقامەكان و شارەكانماندا بينيمان ئەنجامى چەندين ساڵى ئايدۆلۆژيايەكى توند و لايەنگرى لە پەروەردە و ڕۆژنامەوانى و دامەزراوە ڕۆشنبيريەكانى ترە."

 

ئەمريكا يەكێكە لەو وڵاتانەى جيهان كە تێيدا چينى سپى پێست خۆيان بە باڵادەست دەزانن و تائێستاش ڕەگەزپەرستى لەناو بەشێك لە سپى پێستەكانى ئەو وڵاتە بوونى هەيە، لەماوەى ڕابردوشدا چەندين توندوتيژى ڕەگەزیى دژى ڕەشپێستەكانى ئەو وڵاتە بينران.

 

دياريترينيشيان كوشتنى پياوێك بوو بەناوى "جۆرج فلۆيد" لەلايەن پۆليسێكى سپى پێستەوە كە بەهۆيەوە خۆپيشاندان و توندوتيژى لەو وڵاتە سەريهەڵدا و چەندين پەيكەرى كەسايەتيیە مێژوييەكان شكێنران كە خۆپيشاندەران پێيان وابوو هێمان بۆ ڕەگەزپەرستى.