گه‌ڕان

Shadow Shadow
سیاسه‌تی

بۆ یەکەمجار خانمێکی کورد خۆی بۆ ئەندامێتی پەرلەمانی سوریا کاندید دەکات

2020.07.04 - 21:28
بۆ یەکەمجار خانمێکی کورد خۆی بۆ ئەندامێتی پەرلەمانی سوریا کاندید دەکات

 

ناس کورد-

 بۆ یەکەمجار خانمێکی کورد خۆی بۆ ئەندامێتی پەرلەمانی سوریا هەڵبژارد، بەوەش بەیەکەم ئافرەتی کورد لەقەڵەم دەدرێت کە بتوانێت بەشداری لە هەڵبژاردنەکانی پەرلەمانی ئەو وڵاتدا بکات.

 

بەگوێرەی میدیاکانی وڵاتی سوریا، پەروین ئیبراهیم، کە ئافەرتێکی کوردە و دانیشتووی پارێزگای حەسەکەیە لە ڕۆژئاوای کوردستان خۆی بۆ ئەندامێتی ئەنجومەنی گەلی سوریا هەڵبژاردووە.

 

پەروین ئیبراهیم بەمیدیاکانی وڵاتەکەی ڕاگەیاندووە، ئەو لە کاتێکدا خۆی هەڵدەبژێریت بۆ ئەندامێتی گەلی سوریا کە گرفتەکانی میللەتی وڵاتەکەی چەندین ساڵە گرفتەکانیان کەڵەکە دەبێت و توانای چارەسەرکردنیشیان زۆر لاواز بووە. 

 

ڕاشگەیاندووە: "هەندێ کێشە هەیە چارەسەرکردنیان لەتوانای پەرلەماندا نییە، هەندێکی ترشیان بە بەرزکردنەوەی دەنگیان لە پەرلەمان چارەسەر دەبن  کەبەشێک لە نەهامەتییەکانی گەلی سوریا کەمدەکەنەوە کە ئەوەش پێویستی بە بوێری و ئازایەتی هەیە".

 

ئەو خانمە کوردە جەختیلەوەشکردووەتەوە, هەر کات کە توانی بچێتە پەرلەمانی سوریا  کار بۆ دەرکردنی ئەو یاسایانە دەکات کە لە بەرژەوەندی گەلی سوریادا بێت و لێپیچینەوە لەو کەسانە دەکات کەڕێگری لە سەروەری یاسا دەکەن. 

 

ئاماژەی بەوەشکردووە، دەبێت ژیانی سیاسی لەسوریا لە ڕێگەی دەستورەوە گوڕانکاری ڕاستەقینە و ڕیشەیی بەسەردا بێت.