گه‌ڕان

Shadow Shadow
سیاسه‌تی

وتەبێژی حکومەتى هەرێم ڕونکردنەوە لەسەر ’’دواکەوتنی کاتی دابەشکردنی موچە’’ دەدات

2020.07.04 - 15:51
App store icon Play store icon Play store icon
وتەبێژی حکومەتى هەرێم ڕونکردنەوە لەسەر ’’دواکەوتنی کاتی دابەشکردنی موچە’’ دەدات

ناس کورد-

وتەبێژی حکومەتى هەرێم ڕایگەیاند، ده‌نگۆی زیاتر دواكه‌وتنی موچه‌ی فه‌رمانبه‌ران به‌ هه‌موو شێوه‌یه‌ك ڕەت دەکەنەوە. 

کەناڵی ناس کورد لە تێلیگرام جۆین بکە   

 

جوتیار عادل، وتەبێژی حکومەتى هەرێم لە ڕونکردنەوەیەکدا دەڵێت، وه‌زاره‌تی دارایی و ئابووری به‌پێی خشته‌ راگه‌یاندراوه‌كانی له‌سه‌ر دابه‌شكردنی موچه‌ی موچەخۆران به‌رده‌وام ده‌بێت، و تا 15ی تەموزی 2020 موچه‌ی ته‌واوی وه‌زاره‌تەکان، فەرمانگە و ده‌سته‌کانی نەبەستراو بە وەزارەت دابه‌ش دەکرێت. 

 

بەپێی دواین خشتەى وەزارەت، سبەینێ ڕۆژی یەک شەممە و دووشەممە، 5ی تەموزی 2020، موچەی وەزرارەتی شەهیدان / کەسوکاری شەهیدانی سەنگەر و ئەنجومەنی ئاسایش خەرج دەکرێت.  


هەروەها ڕۆژی سێشەممە، 7ی تەموزی 2020، موچەى وەزارەتی شەهیدان / شەهیدانی هاوڵاتی/ زیندانی سیاسی کە شایستەیان ماوە، هەروەها دەزگای گشتی ئاسایش خەرج دەکرێت.  


ڕۆژی چوارشەممەش، 8ی تەموزی 2020، موچەی وەزارەتی پەروەردە / دەرەوەی شار خەرج دەکرێت، ڕۆژی پێنج شەممە موچەی وەزارەتی پەروەردە / ناوشار خەرج دەکرێت.