گه‌ڕان

Shadow Shadow
سیاسه‌تی

چاودێرى جموجۆڵەکانى هێزەکە دەکات

پەکەکە لە جێگیرکردنى هێزە عێراقییەکە لەسنورى زاخۆ بەگومانە

2020.07.04 - 08:44
App store icon Play store icon Play store icon
پەکەکە لە جێگیرکردنى هێزە عێراقییەکە لەسنورى زاخۆ  بەگومانە

ناس کورد-

پارتى کرێکارانى کوردستان (پەکەکە) لە جێگیرکردنى هێزەکانى پاسەوانى سنورى عێراق لەسنورى زاخۆ بەگومانە و دەڵێت چاودێرى جموجۆڵەکانى هێزەکە دەکەن.

کەناڵی ناس کورد لە تێلیگرام جۆین بکە   

 

هەفتەى ڕابردوو هێزێکى پاسەوانى سنورى عێراق، لەچەند ناوچەیەکى پارێزگاى دهۆک بڵاوەیان پێکرا، دواى زیادبوونى لەشکرکێشییەکانى تورکیا لەو سنورە بە پاساوى هێرشکردنە سەر پەکەکە.

 

ناوەندی ڕاگەیاندن و چاپەمەنی هێزەکانى پاراستنى گەل (هەپەگە) باڵى سەربازى پەکەکە لە ڕاگەیەنراوێکدا ڕایگەیاند "رۆژى یەکى تەموز هێزەکانی پاسەوانی سنوری سەر بە عێراق لە دەڤەری کەرێی سەر بە هەرێمی قەڵای شابانیک و دەرکاریێ باتوفا جێگیر کراون. ئەو هێزانە ڕایانگەیاندووە کە بۆ ڕێگریکردن لە پێشڕەویەکانی سوپای تورکیا لەوێ جێگیر بوون". 

 

ئاماژەى بەوەشکردووە "هەوڵی بەم شێوەیە کە هێرشەکانی تورکیا زیادیانکردووە گوماناویە. هێزەکانمان چاودێری دۆخی پاسەوانانی سنور دەکەن. تا دۆخەکە بە تەواوی ئاشکرا دەبێت، هێزەکانمان لە ئامادەباشیدا دەبن و دواتر بە پێی ئەنجامەکان هەڵوێست دەردەبڕن".

 

بەگوێرەى بەدواداچوونەکانى ناس کورد هاوکات لەگەڵ هێزە عێراقییەکە هێزێك له‌ فه‌رمانده‌ی پێشمه‌رگه‌ له‌ دهۆکیش لەو سنورە جێگیرکراوون بەڵام تەنها ئاڵاى عێراق لەو شوێنانە هەڵکراوە.  

  

ناس کورد زانیویەتى جێگیرکردنى هێزە عێراقییەکە بۆ سنوردانانە بۆ پێشڕەوییەکانى سوپاى تورکیا لەو ناوچەیە و لەدواى کۆبوونەوەیەکى نێوان فەرماندەکانى هێزى سنورى عێراق و فەرماندەکانى پێشمەرگە لە دهۆک لە ئۆتێل ریکسۆس هێزە عێراقییەکە جوڵەى پێکراوە بۆ ئەو سنورە.