گه‌ڕان

Shadow Shadow
سیاسه‌تی

چوار کەسیش برینداربوون

چۆمان؛ ڕووداوێکی هاتوچۆ سێ گیانلەدەستدانی لێکەوتەوە.. پیاوێک هەردوو هاوسەرەکەی لەدەستدا

2020.07.03 - 20:15
چۆمان؛ ڕووداوێکی هاتوچۆ سێ گیانلەدەستدانی لێکەوتەوە.. پیاوێک هەردوو هاوسەرەکەی لەدەستدا

ناس کورد - ئاکۆ حەمەد رابی

ئێوارەی ئەمڕۆ هەینی بەهۆی ڕووداوێکی هاتوچۆە لە سنوری باڵەکایەتی سێ کەس گیانیانلەدەستدا و چوار کەسی دیکەش برینداربوون کە سەرجەمیان ئەندامی خێزانێکن.

 

ڕائید دلاوەر لەتیف، وتەبێژی هاتوچۆی سۆران بە ناس کوردی ڕاگەیاند: " ئێوارەی ئەمڕۆ هەینی ڕووداوێکی هاتوچۆ لە جۆری وەرگەڕان لە گوندی وێزێیی باڵەکایەتی ڕوویدا و  سێ کەس گیانیانلەدەستداوە و چوار کەسیش برینداربوون".

 

ئاماژەی بەوەشدا: "ئەو سێ کەسەی گیانیانلەدەستداوە پێکهاتوون و دوو ژن کە هەردووکیان هاوسەری پیاوێک بوون و زاوایەکیشیان،  هەروەها چوار کەسەکەی دیکەش هەر لە ئەندامانی ئەو خێزانەن، واتە سەرجەم قوربانییەکان ئەندامی یەک خێزانن".

 

ڕونیشیکردەوە، ئۆتۆمبێلەکەیان جۆری تۆیۆتا لاندگرۆزەر بووەو لە پێچێکەوە کۆنتڕۆڵی لەدەستداوەو ئۆتۆمبێلەکە هەڵدێراوەو کەوتۆتە سەر تەنشت و ئەو ڕووداوەی لێکەوتۆتەوە.

 

وتەبێژی هاتوچۆی سۆران وتیشی، تەرمەکان گواستراونەتەوە بۆ پزیشکی دادی سۆران و بریندارەکانیش ڕەوانەی نەخۆشخانەی ئاشتی لە سۆران کراون.