گه‌ڕان

Shadow Shadow
سیاسه‌تی

ڕاپۆرتێکی چینی: بازرگانی بەپلازمای خوێنی چاكبووانی کۆرۆنا لە عێراق دەكرێت و نرخەكەشی لەهەڵشكاندایە

2020.07.03 - 18:39
ڕاپۆرتێکی چینی: بازرگانی بەپلازمای خوێنی چاكبووانی کۆرۆنا لە عێراق دەكرێت و نرخەكەشی لەهەڵشكاندایە

ناس کورد- 

 

میدیایەكی چینی ئەوەی ئاشكرا كردووە، لەبازاڕی ڕەش دا لەعێراق بازرگانی بە پلازمای خوێنی چاكبووەكانەوە دەكرێت و نرخەكەشی بەرزبووەتەوە، لەپاڵ ئەگەری داڕوخانی سیستمی تەندروستی ئەو وڵاتە ئەو جۆرە بارزگانی كردنەش مەترسیدارە بۆ سەر تەندروستی لەڕێگەی گواستنەوەی نەخۆشییەوە.

 

لەڕاپۆرتێكی دا ئاژانسی هەواڵی شینخوای چینی بڵاوی كردووەتەوە، هەندێك لەتوشبووانی ڤایرۆسی كۆرۆنا ئامادەن پلازمای خوێنی چاكبوەوەكان بەنرخێكی بەرز تەنانەت بگاتە سەدان دۆلاریش بكڕن.

 

هاوکات وەزارەتی تەندروستی عێراق دەڵێت، ئەنجامێكی زۆر باشی بەدەستهێناوە بۆ چارەسەر كردنی توشبووانی ڤایرۆسەكە بە پلازمای خوێنی چاكبووەكان ئەوەی كە پێدەوترێت (شللەی زەرد) ئەوەش هانی كەسوكاری نەخۆشەكانیداوە زیاتر بەدوایدا بگەڕێن و بەهەر نرخێك دەستیانبكەوێت بیكڕن.

 

محمد عەلی كە یەكێكە لەو هاوڵاتیە كەركوكیانەی لەفەیسبوكەكەیەوە بانگەوازێكی بڵاوكردووەتەوە و داوا لەخەڵكی دەكات هاوکاری بكەن لەدۆزینەوەی پلازمای خوێنی چاكبوەوەكاندا بۆ ئەوەی باوكە بەتەمەنەكەی كە لەنەخۆشخانە بەهۆی پەتاكەوە خەوێنراوە ڕزگاری ببێت.

 

نەخۆشێك كە لەپەتاكە چاكبووەتەوە بەئاژانسە چینیەكەی ڕاگەیاندووە، یەك كیس پلازمای خوێن دەگاتە دوو هەزار دۆلار و زۆربەی خێزانەكانیش ناچارن بۆ ڕزگاربوونی گیانی خۆشتەویستەكانیان ئەو پارەیە بدەن و بیكڕن.

 

ئاماژەی بۆ ئەوەش كردووە، نەخۆشیەكە وەكو عەیبەیەكی لێهاتووە خەڵكی خۆی لێ بەدووردەخاتەوە و سەردانی خێزانەكەی ناكەن.

 

دكتۆر حامد ساعدی كە لەبانكی ناوەندی خوێنی عێراقە بە ئاژانسەكەی وتووە، بازرگانی كردن بەپلازمای خوێنەوە مەترسیدارە و وەزارەتی تەندروستیش ڕێوشوێنی توند لەدژ دەگرێتەبەر.

 

ساعدی باسی لەوەش كردووە، لەڕووی ئەخلاقی و زانستیەوە بازرگانی كردن قبوڵكراو نیە و هیچ گەرەنتیەكیش نیە گەر لەدەرەوەی نەخۆشخانەكان و بەكیسی دیكە بگوزارێتەوە بەتایبەت مەترسی لەسەر گواستنەوەی چەند نەخۆشیەكی دیكە لەو ڕێگەیەوە هەیە و كڕیارەكانیش نازانن ئایا كیسەكان بەشێوەیەكی دروست هەڵگیراوە یاخود نا.



ساعدی داواشی كرد لەو كەسانەی كە لەپەتاكە چاكبوونەتەوە، پلازمەكەیان ببەخشن بۆ هاریكاری ئەوانەی كە پێویستیان پێیەتی.