گه‌ڕان

Shadow Shadow
سیاسه‌تی

یاساکە چۆن باسى کردووە؟

ئەو پەرلەمانتارانەى فۆڕمی ڕەتكردنەوەی خانەنشینیان پڕكردووەتەوە موچەكە دەیانگرێتەوە؟

2020.07.02 - 13:15
ئەو پەرلەمانتارانەى فۆڕمی ڕەتكردنەوەی خانەنشینیان پڕكردووەتەوە موچەكە دەیانگرێتەوە؟

ناس کورد- 

پەرلەمانتارێك كە فۆڕمی ڕەتكردنەوەی خانەنشینی پەرلەمانتاری پڕكردووەتەوە ڕەتیدەكاتەوە ئەوان خانەنشینی نەیانگرێتەوە بۆیە فۆڕمەكەیان پڕكردبێتەوە بەڵكو جەخت لەسەر ئەوە دەكات بەو پێیەی ئەو یاسایە مانگانە زیاتر لە 2 ملیۆن خانەنشینیان بۆ بڕاوەتەوە، ئەو دەنگۆیانەش كە باس لەوە دەكەن ئەوانەی ڕەتیانكردووەتەوە هۆكارەكەی ئەوەیە كەنایانگرێتەوە بەنەزانی یاخود چەواشەكاری ناو دەبات.

 

دوێنێ (چوارشەممە، 1ى تەمموزی 2020)، یاسای چاكسازی لەلایەن حكومەتی هەرێمی كوردستانەوە خرایە بواری جێبەجێكردنەوە، چەند پەرلەمانتارێكیش وەكو پابەندبوون بە بەڵێنەكانیانەوە كە لەیاساكەشدا ڕەخسێنراوە، فۆڕمی ڕەتكردنەوەی موچەی خانەنشینیان پڕ كردەوە و ئەوەیان ڕاگەیاند ئەوان بەڵێنیانداوە ئەو خانەنشینیە ڕەتبكەنەوە و لەسەر داهاتی گشتی بەو شێوەیە خانەنشین نەبن و لەدواى ئەرکەکانیان لە پەرلەمان دەگەڕێنەوە سەر کار و وەزیفەى پێش بوونیان بە پەرلەمانتار.

 

تائێستا سەرجەمى ئەو پەرلەمانتارانەى کە فۆڕمى ڕەتکردنەوەى مووچەى خانەنشینییان پڕکردەوە بریتى بوون لە هەشت پەرلەمانتار، 4 پەرلەمانتارى نەوەى نوێ، ٣ پەرلەمانتارى فراکسیۆنى گۆڕان و 1 پەرلەمانتارى سەربەخۆ.

 

لەكاردانەوەیەكیشدا، فراكسیۆنی یەكگرتوو ڕایگەیاند، ئەوان خانەنشینیەكە بەمافی خۆیان دەزانن و وەریدەگرن و بۆ دەسەڵات بەجێیناهێڵن.

 

شێركۆ جەودەت، سەرۆكی فراكسیۆنی یەكگرتوو لەپەرلەمانی كوردستان ئاماژەى بەوە کرد،سەرجەم پەرلەمانتارەكانیان بەپێی تەمەن و خزمەتیان خانەنشینی دەیانگرێتەوە بەپێی یاسای خانەنشیی عێراقی نایبەخشنە حكومەتی "گەندەڵكار" و درێژە بەكاری خێرخوازی پێدەدەن. 

 

جەودەت ئاماژەی بۆ ئەوەش كرد" بەداخەوەھەندێك ھیچ کام لەو مەرجانەی تیانیە ودێت دەڵێت خانەنشینی پەرلەمانتاریم ناوێت وبەو گەلە ستەمدیدەیەی دەفڕۆشێتەوە وئێمەش ناچار ئەکات راستیەکان بخەینەڕوو".

 

بەلای پەرلەمانتارێكی نەوەی نوێوە ئەو كەسانەی كە بانگەشەی ئەوە دەكەن ئەوان خانەنشینی نایانگرێتەوە بۆیە ڕەتیدەكەنەوە، بە كەسانی تێنەگەیشتوو لەیاساكە یاخود چەواشەكار، ناو دەبات.



كاوە عەبدولقادر، جێگری سەرۆكی فراكسیۆنی نەوەی نوێ لەپەرلەمانی كوردستان كە خانەنشینیەكەیان ڕەتكردووەتەوە تایبەت بەناس كوردی ڕاگەیاند"لەمادەی 7ی بڕگەی 3 خاڵی 2  یاسای چاكسازیدا زۆر بەڕوونی دەڵێت ئەوانەی كە مەرجەكانی تەمەنیان و خزمەتیان نیە واتا ئەوانەی كە تەمەنیان لە45 ساڵ كەمترن و 15 ساڵ خزمەتیشیان نیە و خانەنشین دەبن بەشایستەیەكی دارایی كە لە 25% كۆی موچە و دەرماڵەكانی ئێستایان زیاتر نەبێت".

 

وتیشی ، ئەگەر كەسێك لە 25% كۆی موچە و دەرماڵەكانی ئێستای خانەنشین بێت كۆی موچەی خانەنشینیەكەی بەپێی یاسای چاكسازی دەكاتە زیاتر لە 2 ملیۆن دینار بۆ ئەوانەی كە تەمەن و خزمەت نایانگرێتەوە.

 

كاوە عەبدولقادر نمونەیەكی باس كرد بۆ زیاتر ڕوونكردنەوەی ئەو دۆخە وتی " بۆنمونە ئێمە گەنجمان لەگەڵدایە تەمەنی 30 ساڵە و پێشتر دانەمەزراوە و پێشینەی خزمەتیشی نیە ئەو كەسە دوای كۆتایهاتنی خولەكە كە خۆی خانەنشین دەكات موچەی خانەنشینیەكەی دەبێتە 2 ملیۆن و 50 هەزار دینار.